马贯东苦挨20年攻男一 妈妈受压心疼儿子被误解 李家鼎旧情掀余波丨独家
马贯东入行20年，3年前《死有对証》终尝「男一」滋味！剧中滚山坡搏到尽，面对《东周刊》爆出母亲与李家鼎（鼎爷）20年旧情及妈妈卷入李家争产风波，他剖白经营的宠物美容店已回本，不用靠妈妈关系，未来目标买楼俾妈妈。采访：方骞平 摄影：罗安强 场地：洁宠@土瓜湾美景街
马贯东入行20年，3年前拍落的《死有对証》首次做「男一」。他笑言当时对所有嘢都陌生，所以尽量放松去拍，冇太多铺排；反而第2套主演的《卧底娇娃》有较多设计，相对压力更大。
首做男一搏尽冇后悔
《死有对証》中，马贯东演重案组警察，打斗、碌楼梯、滚山坡统统有份。问到首做男一是否搏到尽？他强调：「我系咪都会搏到尽，都系武指睇得起我，全部都要我做。」最难忘有幕在偏斜山坡滚下去，虽然工作人员已清理树枝及碎石，但都未必控制到轨道，有机会受伤；他却豁达说：「就算受伤，就当作多一个记忆点。」他解释，不论是否男一都会搏。另外，转做主角都需要适应及拿捏：「以前我主要如何支撑主角演戏，突然转咗主角，做得反而不突出，导演提醒我要调节，转变成『实净啲演出』。
打后他回复做配角，却没有不是味儿：「其实每个角色都由自己去创造，只要角色成功，系唔需要理会做主角定配角。我做戏原因只系钟意做戏，只要有得演就得㗎啦，而唔系要爬到有几高。好似学咗好耐扮死尸都要有戏，演过几次死尸都嫌自己演得唔够真，尽力做好就够。做到自己钟意嘅嘢已经好幸福。当日全家都支持我选择做演员，交代到自己就OK。」
讲到家人，早前《东周刊》独家爆料，关于其母亲与李家鼎昔日的一段20年旧情，当年靠对方引荐入行，更拉入李家争产风波。马贯东承认妈妈始终系圈外人，突如其来嘅压力会令她不开心，尤其更担心他：「佢担心我会惹闲言闲语，『因为鼎爷关照才有得做』。」他反而豁出去安慰妈妈，还抛下金句：「明就明囉，唔明就唔使解释，唔明解释都唔明。如果咁容易会得到『优势』嘅话，呢两个角色唔到我去做，亦都唔会等咗咁多年先至有两次主角机会，咪当为娱乐新闻囉。现在佢心情OK返，喺外国凑孙过住悠闲嘅生活。」
母亲告别塞钱日子
马贯东强调大人的感情问题更加控制不到：「佢哋想点就点啦，我唔会干预上一代人做乜㗎喇。」唯一好处，反而增加了他的知名度，让观众认识他，连带令人知道他做宠物美容及设有领养：「咁都帮到好多猫猫，系正面嘅，哈！如果开心去睇，就会觉得正面，我对娱乐新闻冇乜太大感觉，冇乜所谓啦。」他的宠物美容店已回本，进展相当理想：「妈妈唔使担心我经济状况好耐，佢冇再塞钱俾我啦，宠物美容店都唔使佢帮忙，因为近十年我都打两份工，包括帮朋友做餐厅侍应、健身教练及汤包生意，咁有时间做乜唔做嘢呢？」他希望拓展宠物美容事业，甚至和兽医合作，目标买楼俾妈妈。演艺上有乜角色都做，始终较被动。
鼎爷教诲谨记在心
他亦大方谈鼎爷：「佢教我『少说话多做事，乜都唔好蚀底』，我行动做咗出嚟㗎啦，因为冇人比佢哋更有资格去评论呢件事，我都冇资格讲任何嘢，系佢哋感情事。」入行前鼎爷教他骑马，为拍古装做准备：「我好尊重呢位前辈，但𠵱家少咗联络。」因争产风波牵连，马贯东见李泳豪可会尴尬？他即说：「拍《爱·回家》时见到面都有打招呼，冇乜特别啫，呢啲都系娱乐新闻。」