我要做主播丨一蚊Joe殺入12強突退選 因一事放棄20年追夢心有不甘 曾因遲到被轟沒操守
HOY TV全新實況選秀節目《我要做主播》自八月開播至今賽事越演越烈，參賽者由初賽、十六強過關斬將殺入十二強，競爭白熱化，不過在十二進八淘汰賽開賽前夕，本身擁有豐富幕前經驗的「一蚊Joe」游莨維突然宣布退選，令方健儀和陳啟泰及與及參賽者大感愕然。
入行20年的一蚊Joe一直視坐上主播檯為夢想，對於中途退下火線，他感觸表示：「當你想追夢嘅時候，你發覺係有家庭需要照顧，你有你自己嘅工作要去處理，真係情義兩難全，因為又要做其他我手上有嘅工作，有啲已經接了，好多都唔能夠推卻，主播檯係我夢想，但奈何呢個係比賽，最後冠軍坐得上主播檯，希望觀眾都覺得佢實至名歸。」
一蚊Joe向方健儀和陳啟泰道別時，大家都感到愕然和不捨，雖然從第一天已經開口支持他的陳啟泰感到失望，但明白謀生也是很重要的，一蚊Joe亦忍不住說：「呢次真係好開心認識咗一幫有心追夢人嘅人，唔單止我，仲有好多參賽者為咗比賽推咗工作，唯有說一句，追夢真係要趁後生。」一蚊Joe亦趁機走向主播枱，一嘗做主播的滋味：「呢度係我想追夢嘅地方，今天我係咁意摸下，當圓咗夢，不過真係心有不甘，好唔捨得，我真係恨咗好耐。今次最大得着係抱住學習心態，成日覺得自己好似好有經驗，結果引證咗我過往嘅經驗唔係話冇用，但要再努力啲。」一蚊Joe的離場令不少戰友感到錯愕，曾屬同隊的陳欣茵坦言如痛失隊友，陳可期則大開玩笑，笑指一蚊Joe「偽被淘汰」，令淘汰名額由四個縮減至三個，驚慌程度大減，彭綽熙更豪言要代Joe參戰：「我會攞埋你個名額晉級！」
「一蚊Joe」游莨維今年7月被鍾雨璇（原名蘇慧恩）細佬在網上炮轟，指他做主持時「懶理司儀稿」、「坐埋一邊煲劇」、「遲到一小時」等沒專業操守，鍾雨璇其後更表示將cue卡遞給對方時，一蚊Joe不是講「唔該晒」，而是答了一句「Oh my gosh」，細佬更寸爆一蚊Joe扮大牌並鬧姐姐：「新聞唔出都出咗，人哋開始反擊，道理喺自己度，你仲笠水。一個無專業操守嘅藝人，搞到我同家姐鬧咗成日。」事後一蚊Joe對被指遲到寸爆地說：「我就覺得冇得拗，有人覺得我遲到，我認啦，但若然個騷七點鐘，我五點鐘到都叫遲到嘅，我唔知啦。」不過他指若自己令到鍾雨璇不舒服而向她致歉，日後有機會合作會解釋事件，希望大家可在「江湖見」：「我相信大家作為司儀成日都會有機會見。」一蚊Joe更承認答了一句「Oh my gosh」可能表達得不太好，但覺得是誤會。