王菲做誘人瑜伽 韋家雄直言「男人睇到都開心」否認婚前最後一擊

王菲、陳曉華、馬貫東、韋家雄、陳熹潼、唐嘉麟、黎澤恩、李海銅和洪曼芹等今日出席無綫劇集《死有對証》宣傳活動。活動上，在穿着低胸瑜伽服的王菲帶領下，演員們齊齊做高難度瑜伽。韋家雄的位置在舞台另一側，剛好能將王菲做瑜伽的畫面盡收眼底，更一邊做瑜伽一邊大汗疊細汗。事後，韋家雄毫不避諱，直言「睇到好開心」！

王菲宣傳無綫劇集《死有對証》着貼身瑜伽服現身。

由王菲帶領演員們齊齊做高難度瑜伽。

真係有啲難度。

王菲所穿是大領瑜伽服。

動作流暢。

韋家雄的位置在舞台另一側，剛好能將王菲做瑜伽的畫面盡收眼底。

考腰力。

王菲筋骨鬆軟。

韋家雄直言「男人睇到都開心」。

在王菲身邊接受訪問途中，韋家雄又繼續不停流汗。

韋家雄未試過可以昅咁大群女同事做瑜伽。

人夫韋家雄不怕返屋企「跪榴槤」。

王菲展示求婚鑽戒。

張子丰承諾迎娶30歲後王菲。

張子丰爸爸是人稱「音樂會之父」、環星娛樂老闆張國林。。

王菲拉高拉鏈被韋家雄取笑

訪問開始前，王菲原來已將拉鏈拉高，被記者笑言點解拉高拉鏈？，韋家雄笑言：「幾唔想益我。」之後，王菲才將拉鏈拉低。訪問中，韋家雄說：「我未試過可以昅咁大群女同事做瑜伽。（做運動所以流汗？）唔係，係男人睇到都開心，唔關做運動事。純粹諗得太多嘢。」被問到會否返屋企「跪榴槤」？他又笑指不食榴槤。問到老婆睇到電視又怎麼辦？他回答：「又使佢開。」坦言不怕老婆見到。訪問途中韋家雄又繼續不停流汗，被笑提起老婆就流汗。

韋家雄提議拍《亞當與夏娃》

王菲透露，其實本來是沒有穿外套，但到場時發現大家都穿外套，才又穿回外套避免「太大對比」。問到是否結婚前最後一擊？她即時回答‌：「都唔係最後一擊，都仲會再拍劇（仲有好多擊）。」韋家雄提議：「你叫TVB開套《亞當與夏娃》，你做夏娃，得塊葉。」王菲續說：「咁你做亞當。」王菲也表示，未婚夫並未禁止她性感。韋家雄也大讚，當年拍攝時一眾演員也做得很好：「真係好fit，大家冇NG，得我NG。」

王菲婚禮零準備 

早前王菲宣布訂婚，但她表示婚禮「零準備」，希望下年能夠舉行，並未計劃大搞還是低調進行。閒聊到婚禮細節，講到搵「花仔花女」，韋家雄笑言「花女搵陳曉華」，王菲回答：「靚過我唔得。」