陳曉華否認爆粗 驚聞羅天宇認愛陳懿德六次耍手擰頭：唔知呀

陳曉華、馬貫東、韋家雄、王菲、陳熹潼、唐嘉麟、黎澤恩、李海銅和洪曼芹等今日出席無綫劇集《死有對証》宣傳活動。活動上，演員們分為男女兩組，在王菲帶領下齊齊做高難度瑜伽，做到第三個動作時，陳曉華臨時加碼，在台上施展一字馬！

陳曉華可能講嘢太快似爆粗

因為《死有對証》已是3年前作品，陳曉華直言不敢睇劇，她說：「都幾懷念，3年前嘅自己都幾可愛，𠵱家係大個女。」記者指3年來她的外貌沒有變化，陳曉華直說被馬貫東笑3年的自己較肥。馬貫東即時「補鑊」，說：「佢以前真係可愛嘅。（𠵱家唔可愛？）𠵱家係靚囉，成熟女人味！每個人對成熟要求都唔同，睇你覺得幾成係熟。」日前Threads有網民cap片，表示陳曉華疑似在其中一幕戲「講粗口」。她否認：「絕對唔係，知唔知？我有睇嘅，唔係嗰個字，可能講嘢太快。」

31歲陳曉華變得大個女。

添上一份成熟味

相比以前肥嘟嘟較可愛。

馬貫東取笑陳曉華3年前係肥妹仔。

𠵱家反而係靚。

馬貫東好照顧拍檔。

馬貫東「補鑊」說：「以前係可愛嘅，𠵱家係靚囉，成熟女人味。」

馬貫東係好演員。

劇集《死有對証》演員出席宣傳活動。

陳曉華唔敢睇返舊作。

陳曉華臨時加碼，在台上施展一字馬相當搶鏡！

陳曉華、馬貫東合作愉快。

陳曉華日前在宣傳活動上被狂迷要求合照。

原來胖男情緒激動表示要送禮物。

羅天宇與陳懿德早前拍拖睇演唱會。

羅天宇和陳懿德早已是半公開的一對。

陳曉華回應粉絲合照騷動 

講回上次宣傳時，有粉絲大聲要求與陳曉華合照而引起的騷動。她回答：「（有冇驚？）冇，我每次宣傳都好開心，𠵱家畀晒時間拍劇，所以每次出嚟都好珍惜，做返陳曉華。大家都係講道理，溝通清楚就冇事啦，大家開心，見吓我哋。」當日陳曉華穿着大露背，牛仔褲做瑜伽，顯得格格不入。她表示「未ready身形」：「叫着運動衫，所以我就着咗件最運動嘅衫。我諗住做瑜伽都係輕輕鬆鬆，就揀咗件自己鍾意嘅衫。」記者不太滿意，她即補充：「我下次着畀大家睇！有機會先！」

陳曉華聞羅天宇戀六次耍手擰頭

日前「前緋聞男友」羅天宇公開戀情，陳曉華連忙6次耍手擰頭，回應不知情：「我唔知呀！我唔知⋯⋯我唔知呀，我唔知呀。（有冇聯絡？）有，我哋一齊拍劇嘅。（一齊拍劇都唔話你知？）下次問佢囉，我一定問佢，但係我唔知，我唔知呀。（見到？）我專心拍劇，淨係見到周嘉洛、戴祖儀、吳偉豪佢哋。（見唔到羅天宇？）係囉。（羨慕佢拍拖？）隨緣，𠵱家冇諗咁多。」