女神配對計劃2｜郭珮文前男友Ice俞鋆瑞現身求復合 分手原因公開 Juliana：有冇搞錯

TVB話題戀愛真人騷《女神配對計劃2》今晚（13日）播出第二集，隨即掀起全城熱話！節目中五大無綫女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana）挑選心儀求愛勇者。豈料郭珮文前男友突然現身，更來一段深情告白！郭珮文已分手9個月的音樂人前男友俞鋆瑞（Ice）特意由洛杉磯飛抵香港求復合，更送上充滿兩人回憶的西貢菠蘿油，令全場女神感動尖叫，郭珮文更是百感交集！

郭珮文認出前男友嚇窒：邊有人咁黐線飛半個地球過嚟

一名36號貌似張崇基的求愛勇者在布幕後深情自白：「我單身了九到十個月，我這次來只為了一個人。在和你分手後到今天，我一直都很想念你，其實我一直都想和你，繼續完成我們未完的故事。I hope you remember me. I would like to take you out to eat good things every day.（希望你還記得我。我想每天都帶你去吃好吃的。）」當布幕拉開，一頭金髮的俞鋆瑞（Ice）笑著向大家打招呼。見到前男友突然站在眼前，郭珮文當場目瞪口呆，受訪時坦言腦袋一度大當機：郭珮文表示：「真係見到佢嗰陣時，我覺得成件事非常之唔真實。同埋我嗰陣時係有少少短路，真係短路，跟住有好多唔同嘅情緒湧咗上嚟，跟住好亂成件事，喺個頭入面。」

主持林盛斌（Bob）隨即向郭珮文求證，問對方是否其前男友，郭珮文點頭承認：「係呀，冇錯，係，就係佢。」林盛斌追問剛才開聲時有否認出聲音，郭珮文笑言：「我覺得應該係佢，但我又覺得邊會有人咁黐線，突然之間又飛半個地球過嚟。」

郭珮文揭分手原因與遠距離有關

談及9個月前分手的導火線，郭珮文透露兩人拍拖接近4年，分手並非因感情破裂，而是無奈面對遠距離戀愛（Long-D）及對未來的迷惘，郭珮文表示：「嗰陣時……其實我哋一齊嘅時間幾長嘅，都有三、四年咁樣，嗰陣時就有少少迷惘，因為覺得我哋都拍咗咁耐，但係我哋都好難……好似覺得未來唔知幾時先至會有辦法長時期一齊返埋一齊，咁樣就會覺得係咪應該畀彼此多啲時間，去諗清楚自己到底想要啲咩，或者以後嘅人生想點樣，咁樣就分開咗。」
「花生團」閨密好友鄧凱文亦忍不住幫口爆料：「其實嗰時Juliana係struggle（掙扎）咗好耐㗎，平時佢都有講起過佢㗎，可以話係佢結婚對象嚟㗎！」

俞鋆瑞認為與郭珮文仍然有火花

特意由洛杉磯飛抵香港的俞鋆瑞直言此行完全沒有通知郭珮文，當被林盛斌問到點解要咁做，俞鋆瑞深情表示彼此火花依然存在，不應讓距離成為分手的理由。俞鋆瑞說：「因為我以為……我感覺到是，我們的火花、相處也非常好，you know, and the way our relationship worked, I think it’s really good.（你知道，考慮到我們這種相處模式，我覺得真的很不錯。）很可惜的是當時因為遠距離的關係，我們不得不分開。她當時的事業做得非常好，對吧？然後我也有我自己的事業要拼搏。But I think because we weren’t on bad terms, I think there is something left remaining.（但我覺得，正因為我們之間沒有鬧僵，所以還是留下了一些東西。）我認為距離不該是我們分手的理由。」

當林盛斌問及分手後有沒有想念郭珮文時，俞鋆瑞坦白承認這段分開是他人生中最痛的經歷，俞鋆瑞說：「當然，每天都想。簡直是日思夜想，心裡總是有點……是的，真的很難過。這大概是我經歷過最痛的一次。」面對陳若思（Amber）笑問若節目中有眾多男士競爭追求郭珮文時會如何應對，俞鋆瑞自信一笑：「I just got to win. 我一定會贏！」

Ice俞鋆瑞曾寫專屬情歌〈Juliana〉竟遭無情吐槽

在提問環節中，阮嘉敏好奇俞鋆瑞過往會否常唱歌給郭珮文聽，俞鋆瑞自爆在追求郭珮文時曾為她親自創作一首名為〈Juliana〉的歌曲。然而林盛斌問郭珮文當年聽歌感受時，她卻搞笑表示：「我……我覺得佢幾有心嘅，但係我嗰陣時聽佢其他歌之後，我發現佢其他歌好似好聽過嗰首歌！」全場隨即哄堂大笑。
雖然情歌被嫌棄，但俞鋆瑞的細心舉動瞬間扳回一城。原來他知道郭珮文最喜歡西貢一間餅店的菠蘿油，得知節目在西貢取景，便專程買了熱騰騰的菠蘿包到場送給五位女神及郭珮文。捧著菠蘿包的郭珮文滿心歡喜表示：「我收到佢呢個菠蘿包嗰陣時，我覺得哇，好似有啲心靈相通嘅感覺，係一個好神奇嘅感覺啦。其實我今日都超級想食呢個菠蘿油，結果佢真係買咗，我真係……wow。」

郭珮文戴心動項鏈緊擁俞鋆瑞

到了決定時刻，五位女神心照不宣全力支持兩人復合，最終螢幕亮起「心意相通」，成功將俞鋆瑞與郭珮文配對！俞鋆瑞在台上真摯告白：「I just want to say, whatever you felt before we separated, nothing’s changed. So I hope whatever may come out of this, and everything that I will show you, is 100% genuine.（我只想說，無論我們在分開前有著怎樣的感受，這一切都沒有改變。所以我希望，無論接下來發生什麼，以及我向你展現的一切，都是百分之百真誠的。）我只希望我們能完成未完成的故事，重新開始。」

在眾人起哄及歡呼聲中，郭珮文緩步上前，親手為俞鋆瑞戴上象徵心動的項鏈，兩人更激動地緊緊相擁，現場一眾好姊妹何沛珈、阮嘉敏、陳若思及俞可程感動得掩面拍手尖叫。

事後郭珮文（Juliana）受訪時百感交集，剖白內心真實感受：「又有感動、又有開心、又有難過、又有委屈咁樣囉。真係覺得『你有冇搞錯啊，我哋分開咗，我咁難得放低咗你啦，你做乜嘢番番嚟搵我？』但係其實我係開心嘅，因為曾經我已經當咗佢係屋企人咁樣嘅一種方式去愛佢，發現原來佢到依家其實係冇放棄過我嘅。」