俞可程戰鬥格迎戰 10日瘦12吋 成Oscar求愛目標

《女神配對計劃2》剛播出即成熱話！當中「求愛勇者海選」環節中，其中一位「勇者」即26歲冷氣技工方智弘（Oscar）憑混血靚仔高顏值一夜爆紅，社交平台追蹤人數爆漲！其實Oscar另一身份是歌手，曾參加《全民造星V》，是男子組合OneUp成員，他受訪時說收到至少700個私訊稱想要預約洗冷氣，問到喜歡哪一位女神，他直呼：「可程姐姐！因為我本身係喜歡『姐姐』，佢係中我嘅『姐姐』type！」他口中的「可程姐姐」，正是28歲的「東張女神」俞可程，她為「爭仔」成功，一早已啟動瘦身計劃，10日內減了超過12吋！

俞可程奪「最耀眼新晉主持」

入行短短兩年的俞可程人氣越見高企，早前更獲首個演藝大奬，在Dr.Angel唐安麒與韓國合作的《ACE FACE OF HONG KONG AWARDS韓國最耀眼香港之星頒獎典禮》中奪得「最耀眼新晉主持」！出席頒獎禮當日，俞可程雖以一身黑裙高貴亮相「封胸」包到冚，但明顯清減不少，她說因《女神2》有泳衣環節，所以要勤力收身，並積極「做機」，接受瘦身療程及改變飲食方法。

俞可程被野生捕獲

俞可程自爆在《女神2》遇到心儀對像，雖然未有透露是否意屬Oscar，但在收身這一環已「先拔頭籌」有成效！有網民在threads爆料在街上捕獲俞可程：「咩日子？行行吓見到東張女神！睇電視嗰個配對節目話，個靚仔冷氣技工Oscar鍾意佢，唔知堅定流，俞可程真人都幾索，腿又長腰又幼，以前睇相佢好大隻」被網民野生捕獲的俞可程當日一身短裙短TEE，一雙長腿特別Sharp醒！

俞可程努力再Keep fit

近日美容界發生連番風波，有市民控訴被迫花費購買高額美容產品和療程，引起不少網民共鳴。曾嫌自己腰粗腿粗的俞可程，現在明顯「走脂」成功，接受電話訪問時，說選擇瘦身美容店要識揀之餘，更分享收身成果：「我去嗰間健康瘦身中心係老字號，出名係『唔劈客唔呃人』，所以放心之餘，去做機真係好有效果！透過『做機』同埋依『宇宙飲食法』，估唔到減肥都可以食得飽，10日內全身已減咗超過12吋！肚仔減咗超過2吋，就連大脾都減咗超過1吋，減咗超過4磅，10日咋，amazing！」

越來越firm

俞可程續說：「之前成日去做GYM，越做越多肌肉，所以『實的的』，以前腰、肚同腿點減都減唔到，令我好困擾，做運動係好嘅，但對於一啲鬼鼠肉，做機真係很有幫助，『做機』即係做『增肌減脂』、『溶脂燃脂』嗰類療程，令我最大驚喜係肚仔同大脾位瘦得勁明顯。暫時我做咗幾次，但做咗頭兩次後，好多人已經話我個肚瘦咗，大脾都幼咗，仲要係firm，所以我真係好開心，平時開工好忙，但『做機』同埋跟足『宇宙飲食』，可以咁見效，仲要係『有啖好食』唔使捱餓！」她表示接受療程可加快收身效果外，飲食也是十分重要，認為只要按「宇宙飲食」的7分蔬果3分肉或澱粉這定律，不單可以吃得飽，更覺得比以前輕盈及體質更好，笑言不會再相信只有節食才可成功減肥的說法。