袁絲珩10分鐘化好舞台全妝 鄧匡閔自認貪靚素顏出街必戴口罩 李澤欣被男友嫌黐眼睫毛似洋娃娃

應屆香港小姐冠軍袁絲珩、亞軍鄧匡閔、季軍兼最上鏡小姐李澤欣和友誼小姐李澄晴今日出美妝店活動。袁絲珩、鄧匡閔和李澤欣接受訪問時，談到美妝心得和習慣，冠軍袁絲珩透露平日習慣素顏，工作時才會化妝，而亞軍鄧匡閔則自言「貪靚」，沒有化妝時會戴口罩，季軍兼最上鏡小姐李澤欣又表示可以快速化妝，只需約15分鐘。

袁絲珩、鄧匡閔、李澤欣和李澄晴又再出動領獎。

今日出席美妝店領獎活動。

袁絲珩10分鐘化好舞台全妝。

鄧匡閔素顏出街必戴口罩。

李澤欣被男友嫌黐眼睫毛似洋娃娃。

李澄晴都好貪靚。

袁絲珩、鄧匡閔、李澤欣領獎攞到手軟。

袁絲珩等緊拎獎金。

李澤欣男朋友不喜歡她化妝。

鄧匡閔自認貪靚。

袁絲珩穿上黃橙格紋小丑服裝，在「鬼市」背板前擺出俏皮甫士。

袁絲珩零包袱塗上白面紅唇日本妖怪妝，化身萌爆鬼怪角色。

袁絲珩戴上漁夫帽紮雙辮扮熱帶探險家，做出可愛手勢。

袁絲珩身穿粉紅背心搭配牛仔百褶裙，對鏡頭揮手展現青春活力。

袁絲珩身穿藍色飼養員工作服比「V」手勢，展現招牌甜美笑容。

前主題樂園演員袁絲珩訓練有素

講起化妝，三位出爐港姐都有其習慣，曾為前主題樂園演員的冠軍袁絲珩原來工作訓練有素，10分鐘就可以化全妝，笑言：「起身沖個涼，洗個頭就出街。以前返工每日都要化好厚妝，所以平日素顏出街。（有咩分別？）係唔同嘅厚，而家係人類嘅厚妝，以前返工係舞台嘅厚妝。」

鄧匡閔出街冇人認得

亞軍鄧匡閔表示，以前的她不會，但參選後就學識了化妝。又問，會不會素顏出門？鄧匡閔回答：「唔會㗎，你一定會見到我戴口罩。（會唔會有人唔認得你？）其實而家出街都冇人認得，還好嘅。」

袁絲珩等緊拎獎金

季軍兼最上鏡小姐李澤欣也提到，男朋友曾表示不喜歡她化妝，說：「佢完全唔鍾意我化呢啲妝。出鏡嘅樣佢就唔鍾意。佢覺得黐咗眼睫毛就似洋娃娃，可能因為太靚，認唔出我。私底下個樣平易近人啲。」問到當選的獎金獎品「落袋未」，冠軍袁絲珩表示已收到部分獎品，而獎金就「等緊」。