许鞍华反对电影市道差说法：讲咗30年 劝业界勿沮丧 以正面态度面对
导演许鞍华、田启文（田鸡）、朱晨丽（朱朱）、陈庭欣（Toby）、许嘉豪、练乐仪及古佩玲等昨晚出席电影《欢迎来龙餐馆》。许鞍华透露最近忙于剧本工作。早前她获第31届釜山国际电影节「山茶花奖」，她分享感受：「我觉得今次攞比以前高兴，因为有少少，更加老啦，就名正言顺。」她表示当日会出席。
许鞍华对「市道差」另有一番见解
谈及「市道差」三个字，许鞍华另有一番见解，觉得大家不应提及「市道差」。她说：「其实话电影差已经讲咗30年，咪一样有得拍。大气候冇办法，但系心态一定可以改变。唔好咁沮丧，要睇空档有咩题材系拍得，场面大都未必得于冇得拍。」
AI未必抢演员饭碗
讲到近期A.I.热潮，许鞍华表示科技未必抢了演员饭碗，反而使用恰当就能帮助到电影制作。她说：「譬如近排有套系A.I.同真人沟埋嘅电视剧。」她续指，不会抗拒用A.I.制作。问会否担心演员被替代？她回答：「A.I.直头代替咗，啲演员会担心用咗佢把声，个样就唔使佢，但系谂得好，就系佢唔使去，悭返啖气。」她也认为，A.I.制作并不会完全取代电影，因为「睇电影」已成为人们生活中娱乐节目的一部分。有A.I.制作是好事？她回答：「我唔敢讲，但系个潮流嚟咗，只可以用正面啲态度去面对，一定有好处嘅。」
田启文陪太太煲剧欣赏朱珠
田启文表示向成功的电影取经。他说：「好收得，所以咪要嚟学习吓。（你唔使啦）要嘅，收得嘅要学习，唔收得嘅都要学习。好睇嘅要睇点解好睇，唔好睇嘅要睇点解咁唔好睇。」近年内地剧集在港爆红，他坦言未有时间研究，反而太太较热衷于煲剧：「好似𠮶个《蜜语纪》，佢咩都睇嘅，成间屋得两个人，咪要陪佢睇囉。」他又透露，因为太太对剧中演员有印象，所以才花时间煲剧。「尤其朱珠脸上面有两个酒粒，又几得意。」田启文表示，如果有合作空间当然欢迎。
田启文尝试AI短剧
田启文也表示，现时正在尝试AI短剧的制作。他说：「喺度搞紧，谂吓试吓有冇空间。」他亦表示，最近刚完成了《天光戏》，说：「关锦鹏做监制，而家新嘅贺岁片系陈茂然做监制，个名真系唔知⋯⋯咪林峯男主角，仲有阿Sa。」他也透露，想改变戏路，说：「唔知㗎，总之唔好成日都系𠮶只囉。」说回他和太太相处，记者提议他做霸总𠱁老婆。他说：「霸总都可以谂吓，我都好少做。（畀老婆睇）佢成日都畀啲反面教材我，叫我唔好乱谂咁多，唔好做咁多。」