朱晨麗否認婚訊：連我都唔知 陳庭欣自嘲過來人勸要了解清楚對象 澄清廣州開唱非轉跑道
朱晨麗(朱朱)和陳庭欣（Toby）昨晚出席電影《歡迎來龍餐館》香港首映禮。雖然朱晨麗已離巢TVB，但和陳庭欣經常在Whatsapp中「見面」聊八卦。談及朱晨麗早前在廣州的人生首個個唱，她謙虛回答並非轉戰跑道做歌手，只覺得是突破自己。她也認為是學習新事物。她說：「好似上特級班要好快學新嘢，唱歌都難，所以好敬佩歌手。喺個騷度有唱翻唱歌，同唱咗未發布，全球首唱嘅個人國語單曲，因為好快咁做首歌，暫時未知幾時正式發布，唔係因為巡唱先做呢首歌，只係有機會咪試吓。」
朱晨麗盼從零開始累積代表作
她透露新歌暫名為《你的微笑》，未有公布，而且是首次公開演唱。問到做歌用了多少錢？她回答不清楚。網上有人支持她開騷唱歌，也有人反對，有網民更指批她未有代表作歌曲就開騷，她坦言：「咁我唔係歌手。（做多幾首代表作？）努力吓囉，爭取由第一首開始先啦，凡事由零開始。」
朱晨麗否認婚訊
朱晨麗最近正嘗試範疇不同的工作，離開TVB後要學習和消化。講到感情生活，問到男朋友有沒有幫手？她笑說：「有曹永廉、崔建邦、個唱嘉賓關楚耀。」又指自己經常忘記人名，笑言可能睇手機太多，又指自己年紀增長而出現腦霧。
朱晨麗漏口風認有圈外了解中對象
對於早前傳出婚訊，朱晨麗驚訝表示：「連我都唔知喎，呢啲謠言唔好傳。」之後她又「漏口風」，表示有一位圈外了解中的男性朋友。記者再追問，她回答：「慢慢發展中，都喜歡嘅，否則唔會去了解，係香港人，但係咪做生意就唔透露咁多啦，朋友介紹嘅，其實都冇乜人知嘅。」
陳庭欣後悔冇參加《女神配對2》
陳庭欣補充，表示不知朱晨麗戀情有發展，但就勸她要了解對方，又自嘲自己是過來人，也不應該投放太多時間了解：「了解耐啲啱㗎，唔好咁快，但係了解太耐又唔得。真係了解清楚啲先，過來人呀嘛我。（適當時間係幾耐？）每個人都唔同，冇準則。」朱晨麗會否分享「筍盤」？朱晨麗笑言：「我都掹掹緊喎，大家唔好以為我哋好多人介紹，邊有咁多貨喺身。」陳庭欣又笑言後悔自己沒有參加《女神配對計劃2》，又指幸好林盛斌是主持人，相信他會暗中幫自己篩選。早前陳庭欣曾表示林盛斌「已經冇理佢」。她指可能只是林盛斌太忙：「佢忙啫，冇放棄我，我諗佢忙完節目會再搵我，（心急拍拖？）唔急，難得而家可以做返自己想做嘅嘢，但唔係想玩吓。」她透露，現時忙於準備匹克球賽事。