梅啟明狂言記招擺擂台挑機肥媽 潘小文開live7字留言冷嘲唔使粗心：叫佢慳啲喇

曾被「梅媽」覃美金登報脫離母子關係的長子梅啟明，在梅媽離世當日曾與新伴侶現身醫院，強調雖然與母親斷絕聯絡兩年但「血緣不滅」，高調宣稱將以兒子身份主理身後事，並揚言動用梅艷芳信託基金為母「風光大葬」，今日（7日）梅啟明將舉行記者會，公佈梅媽土葬詳情，更揚言解答任何問題。

潘小文冷嘲反擊「有啲嘢已經做咗」

對於潘小文透露梅媽早已立下遺囑，將身後事全權交由孫兒處理，而梅啟明的大馬妻Joey亦公開怒轟梅啟明，痛斥他毫無資格主理喪禮。在記者會舉行前夕，梅啟明寸爆揚言自己行得正企得正，他更向潘小文及肥媽挑機：「最好同我嗌埋佢出嚟，聽日佢冇出現，嗌佢兩個收皮！你話畀佢聽，我擺定擂台等佢！」潘小文昨晚在YouTube開live隔空回應：「我會保護啲小朋友，有啲嘢已經做咗，叫佢慳啲喇！」

已故樂壇天后梅艷芳母親梅媽覃美金8月30日離世，享年102歲。

覃美金（梅媽）於銅鑼灣禮頓道禮賢大廈寓所進食期間突然暈倒陷入昏迷，經送往律敦治醫院搶救後惜告不治。

梅啟明對媽媽離世一事表現錯愕。

梅啟明的婚外情女友於8月30日得知梅媽死訊後，亦有到醫院。

梅啟明與泰籍女友查頌美（May May）2024年曾宣布再婚，但其後梅啟明老婆現身指二人未離婚。

梅啟明回應傳媒時才得知母親死訊。

梅啟明其後現身醫院。

梅啟明與女友結伴到醫院。

梅媽的遺體將送往維多利亞殮房。

梅啟明9月7日高調宣布舉行記者會，公布梅媽後事安排。

潘小文YouTube開live隔空回應：「有啲嘢已經做咗，叫佢慳啲喇！」

潘小文亦表示：「有啲嘢我會保護啲小朋友。」

梅啟明日前受訪表示，將為梅媽辦身後事，更想為亡母「風光大葬」，揚言要動用梅姐的基金。

梅啟明指，有別有用心之人想動用梅艷芳遺產。

潘小文近日與李婉華進行網上頻道直播，大爆梅啟明曾威嚇梅媽。

梅艷芳與梅愛芳都非常孝順梅媽。

梅媽與梅啟明一度被譏「遺產界KOL」。

梅媽於100歲時遭律政司司長入稟高等法院申請破產。

對於梅啟明的「孝心」，肥媽說：「不嬲都想動呢個基金㗎啦，做唔做都係想動呢個基金㗎啦！」

肥媽更嬲爆說：「佢有幾個女朋友，一陣間又話再結婚喎，跟住佢老婆走出嚟話未離婚。」

肥媽更嬲爆說：「佢阿媽嚟講就一個了斷。」

肥媽讚阿梅就好孝順。

肥媽說：「佢阿媽又係縱呢個仔縱到都黐晒線嘅。」

潘小文指梅媽因梅啟明用鎚仔打爆全屋搜刮財物，嚇到入醫院三個月。

梅媽過往與梅啟明多次出入法庭爭遺產。

梅媽曾在鬧市開記招，大呼要為阿梅之死討公道，當時梅啟明也相伴在則。

梅媽多年來用層出不窮原因，索取梅艷芳的遺產。

梅媽2009年曾申請80萬環遊世界被拒。

梅媽2004年至2011年間多次出入法院，梅啟明亦在旁邊傍實。

梅媽怒斥梅啟明「財迷心竅」，更被激到血壓急升不適入院。

梅媽在2022年2月更登報與梅啟明斷絕母子關係，梅啟明隨即開街頭記招，指摘是姪仔梅柏麟在背後操縱事件，又呻每月只得2萬元零用錢。

梅啟明指梅媽每個月有25萬元，但只給他2萬元。

梅啟明被指未離婚搭上泰籍女友May May，早前透露將擺喜酒結婚。

梅啟明指曾因為見不到媽媽而到警署備案。

梅啟明表示打算結婚，所以想母親（梅媽）為兩人擇日及決定婚禮事宜。

梅啟明揚言擺定擂台等肥媽同潘小文

消失多日的梅啟明日前突然透過中間人向傳媒發出通告，宣佈今日（9月7日）下午2時30分在銅鑼灣舉行記者招待會，高調向外界交代其擬辦梅媽身後事的計劃，並公佈有關設靈、出殯及土葬等詳情；梅啟明更直言會「解答任何問題」，歡迎傳媒到場採訪。梅啟明其後回覆傳媒預告記者會內容，他強調後事安排一直有序進行中，屆時將交代為梅媽安排的居所詳情、具體地點、墓地細節及相關費用，針對先前因未拿到梅媽身份證、導致後事辦理恐遭凍結的傳聞，他表示後事進度未受影響，目前已全權委任律師依法處理。梅啟明被問會否擔心潘小文與姪仔同樣安排梅媽喪事，梅啟明說：「如果佢（潘小文）聽日再出現，我就封佢個口！最好嗌埋肥媽嚟㖭啊，我擺定擂台等佢，聽日唔出嚟，即係佢所有講嘅嘢係虛！假！為咗自己、為咗博出位，我就會轟炸佢，佢牽涉到人身攻擊，侵犯人嘅私隱，唔係噏得出就噏，見到佢就火爆，仲冷靜？爭在未搵桶屎淋佢！」問到是否指肥媽？梅啟明則說：「邊個都係！亂咁噏！佢所講嘅嘢係人身攻擊同埋侵犯私隱，佢係咪想我整張咩佢嘆吓？」不過他未有說明詳情，只稱「到時咪知！」

潘小文會保護小朋友叫梅啟明唔使粗心

潘小文早前曾透露梅媽已立下遺囑，遺囑執行人及喪禮將按照其生前意願，交由梅德明的兒子（孫兒）全權處理，她亦曾怒轟梅啟明的呃錢惡行，直斥他是「人渣中嘅人渣」、「雙眼除咗睇到錢之外乜都睇唔到」，除了力撐意願低調辦喪事的梅家孫兒，更揚言手握梅媽生前錄音，隨時公開對質。昨日潘小文被問到會否已低調處理好梅媽喪禮，最初她未有正面回應，僅以梅艷芳《似水流年》的6字歌詞回覆：「留下只有思念」來回應。不過在晚上潘小文在YouTube開live：「講嗰條友嘅嘢罄竹難書，佢好笑呀，話要整場大龍鳳畀大家，我又唔驚嘅，因為有啲嘢要出聲就要出聲。不過喺呢個世界好多無賴，我哋得個知字就算啦。自己有小朋友要好好教佢哋，點樣好好去學做一個人，人品、人格都好重要，最緊要就係要教自己嘅仔女要有自理能力，如果佢冇自理能力呢，你不停去遷就佢，只會遷就咗個無賴出嚟，即係最終你必會自食其果。」言談間潘小文亦表示：「有啲嘢我會保護啲小朋友放心，有啲嘢做咗㗎喇，叫佢慳啲喇，唔使佢粗心啦。」

「梅媽」覃美金曾登報與長子梅啟明脫離母子關係。

電影《梅艷芳》為梅艷芳傳記電影，2021年11月上映，票房大收6206萬。

梅啟明於2021年突然入稟高院控告安樂的電影《梅艷芳》侵權。

梅媽與梅啟明因電影《梅艷芳》侵權問題反目。

在梅媽離世當日，梅啟明現身醫院並強調雖然與母親斷絕聯絡兩年但「血緣不滅」。

潘小文透露梅媽早已立下遺囑，將身後事全權交由孫兒處理

潘小文說：「搞到Auntie幾乎臨老畀政府申請佢破產，都係你條仆X搞出嚟。」。

潘小文揚言：「我知嘅嘢都係Auntie親口講返畀我聽，同埋當年好多發生過嘅事，佢都同樣我講。」。

潘小文說：「Auntie 生前講到明啊，叫幾個細路唔好惹你啊，就知道你黐X線啊。」

潘小文曾怒轟梅啟明的呃錢惡行，直斥他是「人渣中嘅人渣」。

梅啟明收到梅媽離世消息，帶和泰妹二奶到醫院。

梅啟明帶同紅顏知己恩恩到場（左）。

梅啟明帶泰妹二奶見記者。

梅艷芳紀念館恩恩亦有份參與。

近年恩恩同梅啟明拍住上返內地搵食。

Joey指梅啟明造假租約。

Joey指梅啟明造假租約，帶泰妹二奶登入室。

梅啟明跟第2任妻子Joey及兒子Richard。

Richard和媽媽相依為命。

Joey指控梅啟明有酗酒習慣，並指梅啟明涉家暴及虐兒。

當年一家三口在城市花園住所打邊爐。

22年2月10日梅啟明曾藉醉發難。

梅媽的兩個女兒梅愛芳（左）與梅艷芳，分別於2000年、2003年離世。

梅艷芳的遺產除供養母親梅媽外，還預留讀書基金給胞姐梅愛芳的兩名兒子、兄長梅德明的兩名女兒。

梅媽育有兩子兩女，有指梅媽一向重男輕女。

梅艷芳四歲半時已與胞姊梅愛芳出來演唱。

​2014年，梅艷芳二哥梅德明患上喉癌，終在2015年離世。 ​

梅媽早已抱孫。

梅媽原本可享兒孫福。

「梅媽」覃美金榮升人瑞時，收到由「勞工及福利局局長」致送祝壽賀函和賀卡。

梅媽在家中慶祝100歲生日。

梅媽早已過100歲。

梅媽曾多次上訴，想從信託公司取回梅艷芳全部遺產。

「梅艷芳國際歌迷會」今年初曾在IG分享一段梅媽的賀年祝福影片。