张衞健爆 Big4 系魔鬼引诱出夜街 心淡许志安演唱会「买飞被cut」：友情要打折

张衞健、伍富桥、林奕匡、IdG Bubbles、方皓玟出席《爱心满东华》慈善晚会。「爱心之星」张衞健接受访问时，坦言近年出席不少慈善活动，希望用自身力量帮助更多人。访问中，他特别提到，出席慈善活动不一定要盛装出现，也可以是一些社区会堂举行的慈善活动。记者问到，如果是街边卖旗筹款呢？他回答也十分欢迎：「我OK，如果呢个卖旗当中系有一个宣传价值，发挥到『酵母』作用，咁我就会去做。」他续说：「我好钟意一句说话：『那有什么岁月静好，只不过有人为你负重前行。』」

张衞健最想多头发

他呼吁，做慈善未必需要付出金钱，只需要付出自己「多出嚟啲嘢」，无论是时间或金钱就可以帮到别人。记者问，最希望多了什么？他回答：「头发啦，梗系！（以为你会讲高度）高度我又OK，虽然由细到大唔系好高，但系都觉得自己几型，唔知点解。」他又笑言，遇到妈妈在观看韩剧时，见到剧中韩星浓密的头发，就不禁羡慕起来。

张衞健自认爱留家中

从慈善讲到「生命中的天使」，他提到Big4的成员也是他的生命中的天使，亦是魔鬼。他更大爆：「喺我不同嘅时候都有不同嘅鼓励，亦都系我嘅魔鬼嚟。引诱过我啲咩嘢，我唔讲啦。总之⋯⋯『出嚟啦，卡拉OK！喺屋企做乜嘢，出嚟，喺你屋企楼下等你。』」他坦言，自己性格比较喜欢留家中，又说自己不好酒精，说：「佢哋好识品酒，我次次去唔系可乐就系奶茶，𠮶啲奶茶又唔好饮。」

张衞健爆许志安无期加场

讲到「好兄弟」许志安演唱会开骚，他表示许志安不需要请他做嘉宾。他笑说：「唔使啦，人哋都已经一票难求，有毛有翼，自己晓飞啦！（佢有冇留飞畀你？）留飞？梗系有啦，要嘅飞cut咗一半，都叫有留嘅。（有冇开大条数？）我呢啲老实人嚟。」他表示对「好兄弟」心淡，又说：「（友情要打折？）佢打我5折，我咪5折中再打佢5折，得返20几%。都戥佢开心， 10几年冇开show。我有私底下了解过，其实佢开多几场都得，但系就冇期。可能又冇谂过咁大卖。」问到张衞健会否开个人演唱会，他坦言自己较多专注在拍剧上，未必会开演唱会。