91歲南紅兩度跌傷留後遺症 自覺嫁楚原好幸福一生零遺憾 一原因曾被批評思想落後？
60年代粵語片著名女星南紅與資深大導演楚原在1967年結婚，二人相愛逾半世紀，鰜鰈情深。可惜楚原於2022年2月離世，南紅的生活更見低調，直到楚原逝世8個月後，南紅曾現身並說：「我先生唔喺度瘦咗成10磅，我哋有60幾年關係，佢待我非常好，起碼我哋有孫，就算咩都好，我哋兩個都80幾歲，能夠活到今日，我都替佢好慶幸。」
南紅覺得自己嫁得好幸福
近日南紅復出現身人前，她接受好友汪曼玲的YouTube節目《快拍。曼鏡頭》的訪問，南紅坦言與楚原這段逾半世紀的婚姻，她坦言兩人從未嗌交：「佢從來都冇講過我愛你，使乜講呀，唔愛你根本唔會同你結婚喇！我覺得自己嫁得好幸福，呢段婚姻好幸福。」回望過去，南紅說：「生老病死一定有，就算好想佢返嚟都冇用，佢都唔能夠再返嚟見你，呢個世界就係咁。」
南紅認為夫妻相處之道在於「一凹一凸」
南紅與楚原兩人在光藝電影公司共事八年，南紅笑言當時「無人追」，兩人常常一起拍戲、吃飯，慢慢就自然地走在一起。在某年聖誕節，南紅在片場拍戲時突然心血來潮，覺得兩人拍拖太久「唔知會唔會散」，於是主動打電話給楚原提議訂婚，她更自己買了兩隻戒指，在雙方家長共晉晚餐時突然宣佈喜訊，當場把父母們都嚇了一跳。直到後來南紅與任劍輝赴美演出，楚原才終於在電話中主動提出結婚，步入人生新階段。這對影壇伉儷締造了五、六十年「零拗撬」的婚姻神話。被問到維繫秘訣，南紅坦言自己的思想較為傳統，認為夫妻相處之道在於「互相順從」與「一凹一凸」：「如果兩個都強，咁何必結婚啫？人嘅一生容乜易過，最多畀你100歲，兩公婆點解唔好啲？我而家贊成先同居，住埋啱先結婚。 」她心甘情願在婚姻中做個「小女人」，大小事務多由楚原做主。即使身邊有朋友批評她思想落後、太過順從，南紅依然堅持這才是婚姻的和諧真諦。
南紅坦言楚原最初離世感到辛苦和難過
2022年，楚原因病入院5日便離世，留下南紅一人。面對相伴大半生的摯愛驟然離開，南紅坦言最初確實感到辛苦和難過，但生性樂觀豁達的她，在一兩年後便自己想通了：「人生就係咁啦，個個都會死㗎啦，不如將以後人生快樂啲喇，佢去呢個地方，係永遠都唔會返嚟，點樣都唔會見你。」南紅還說：「不如大方啲喇，人生就係咁樣，個個都會去，點傷心佢都唔會返嚟，不如放低執著，開開心心生活。」年近九十的南紅，雖然經歷過兩次跌倒，現在出入需要撐拐杖：「第一次跌親就冇乜事嘅，仲行得下嘅。但係我去泰國做完戲，返嚟再跌就差好多啦，三個月都唔好，去睇中醫又唔得西唔得。其實我跌呢就係好普通嘅啫，睇西醫已經好返㗎喇……有一次傷風咳，我嗰度有15級樓梯啊，上返嚟嘅時候可能我用錯力，跌傷左腳就喺右腳痛，咁就開始三個月都唔落得街，而家成7個月㗎喇。我而家出入都用拐杖，我覺得好好，起碼穩陣啲。」回顧這一生，南紅感恩地表示：「我好開心我呢一生，真係冇白過，完全一啲遺憾都冇，真係好幸運。」