91岁南红两度跌伤留后遗症 自觉嫁楚原好幸福一生零遗憾 一原因曾被批评思想落后？
60年代粤语片著名女星南红与资深大导演楚原在1967年结婚，二人相爱逾半世纪，鳒鲽情深。可惜楚原于2022年2月离世，南红的生活更见低调，直到楚原逝世8个月后，南红曾现身并说：「我先生唔喺度瘦咗成10磅，我哋有60几年关系，佢待我非常好，起码我哋有孙，就算咩都好，我哋两个都80几岁，能够活到今日，我都替佢好庆幸。」
南红觉得自己嫁得好幸福
近日南红复出现身人前，她接受好友汪曼玲的YouTube节目《快拍。曼镜头》的访问，南红坦言与楚原这段逾半世纪的婚姻，她坦言两人从未嗌交：「佢从来都冇讲过我爱你，使乜讲呀，唔爱你根本唔会同你结婚喇！我觉得自己嫁得好幸福，呢段婚姻好幸福。」回望过去，南红说：「生老病死一定有，就算好想佢返嚟都冇用，佢都唔能够再返嚟见你，呢个世界就系咁。」
南红认为夫妻相处之道在于「一凹一凸」
南红与楚原两人在光艺电影公司共事八年，南红笑言当时「无人追」，两人常常一起拍戏、吃饭，慢慢就自然地走在一起。在某年圣诞节，南红在片场拍戏时突然心血来潮，觉得两人拍拖太久「唔知会唔会散」，于是主动打电话给楚原提议订婚，她更自己买了两只戒指，在双方家长共晋晚餐时突然宣布喜讯，当场把父母们都吓了一跳。直到后来南红与任剑辉赴美演出，楚原才终于在电话中主动提出结婚，步入人生新阶段。这对影坛伉俪缔造了五、六十年「零拗撬」的婚姻神话。被问到维系秘诀，南红坦言自己的思想较为传统，认为夫妻相处之道在于「互相顺从」与「一凹一凸」：「如果两个都强，咁何必结婚啫？人嘅一生容乜易过，最多畀你100岁，两公婆点解唔好啲？我而家赞成先同居，住埋啱先结婚。 」她心甘情愿在婚姻中做个「小女人」，大小事务多由楚原做主。即使身边有朋友批评她思想落后、太过顺从，南红依然坚持这才是婚姻的和谐真谛。
南红坦言楚原最初离世感到辛苦和难过
2022年，楚原因病入院5日便离世，留下南红一人。面对相伴大半生的挚爱骤然离开，南红坦言最初确实感到辛苦和难过，但生性乐观豁达的她，在一两年后便自己想通了：「人生就系咁啦，个个都会死㗎啦，不如将以后人生快乐啲喇，佢去呢个地方，系永远都唔会返嚟，点样都唔会见你。」南红还说：「不如大方啲喇，人生就系咁样，个个都会去，点伤心佢都唔会返嚟，不如放低执著，开开心心生活。」年近九十的南红，虽然经历过两次跌倒，现在出入需要撑拐杖：「第一次跌亲就冇乜事嘅，仲行得下嘅。但系我去泰国做完戏，返嚟再跌就差好多啦，三个月都唔好，去睇中医又唔得西唔得。其实我跌呢就系好普通嘅啫，睇西医已经好返㗎喇……有一次伤风咳，我𠮶度有15级楼梯啊，上返嚟嘅时候可能我用错力，跌伤左脚就喺右脚痛，咁就开始三个月都唔落得街，而家成7个月㗎喇。我而家出入都用拐杖，我觉得好好，起码稳阵啲。」回顾这一生，南红感恩地表示：「我好开心我呢一生，真系冇白过，完全一啲遗憾都冇，真系好幸运。」