陈桢怡被翻素颜旧照亲解容貌变精致 大方认化妆前后分别大 唔敢直播卸妆怕有太多人睇

陈桢怡（Celina）今日出席香港时装荟活动，接受访问时，她笑言服饰稍有不便：「因为件衫好特别，两只手都连埋一套，变咗用唔到手机，同埋我去洗手间要成件衫除。」故她要用「声控」开口叫人代劳。谈到着衫偏好，她回答平日多以舒服和易衬的黑白色为主。

陈桢怡平日出门唔会着太性感

平日出门她不会穿得太性感：「因为我觉得喺条街，大家唔会着得特别性感，如果得我一个人着到咁性感，就好似有啲奇怪。」说回上月30日港姐决赛的表现，她自评「都算稳定」，续说：「我见大家feedback都几好，几钟意。（有睇评语？）有呀。」

陈桢怡呼吁唔好再用𠮶张相

有网民翻出她的素颜旧照，她解释现在比较懂得化妆，所以会有分别：「𠮶张相真系冇化妆、系素颜，分别一定大。（有人话你对眼大咗一倍）化到。」问到有没有不开心？她回答：「冇嘅，wake surf𠮶张呀嘛。」更笑言：「唔好再用𠮶张相。（会唔会唔钟意素颜相？）唔会嘅，反正大家都见过。」有记者笑言没看到，她也回答：「咁你睇返𠮶张相。」记者再提议她提供素颜相，或开Live展示素颜，她回答：「好，我迟啲。（直播卸妆）好惊呀，咁一定好多人入嚟睇。」她提及以前也拍化妆短片时，曾展示过素颜，问到是「真素颜还是假素颜」？她也回答：「真，但系落咗少少filter。」