佘詩曼被封逆齡女王 從「釘姐」到「Man姐」外形不變 親解保養心得

佘詩曼（阿佘）被冠以凍齡女神絕對當之無愧，難怪深得廣告商愛戴，近日她又有全新一輯廣告登場，以一身高貴銀色晚裝上陣，無論肌膚及身材都狀態極佳，逆齡閃爆現場。拍攝廣告當日，阿佘穿上一襲剪裁非常貼身露背晚裝，全程配合不同pose呈現弗爆體態，鏡頭內外均演繹出既自信又從容的魅力，在小休時候，阿佘更歎隻大雞髀補充體力。

阿佘最愛言官造型

廣告片段出街，適逢阿佘的經典劇集《使徒行者》近日重播，網民再次重溫她當年飾演的「釘姐」丁小嘉，並將劇中的搞笑感性的一面與新鮮出爐廣告中的自信高貴氣質作對比，紛紛留言大讚：「阿佘個樣真係冇變！」、「釘姐變Man姐，氣場勁咗，個樣冇唔同，奉勸啲女星個樣唔好搞咁多！」、「完全睇唔出相隔12年！！」要做到角色上萬變，容貌身形不變，始終如一的巔峰狀態，究竟「釘姐」、「Man姐」定「言官」才是最佳狀態？阿佘笑言每個時期綻放的光與美都不同：「這一刻，我最鍾意是言官，因為配合角色，大家都會見到好淡妝，沒有華麗嘅服飾配合，狀態好唔好一眼就見到！」

佘詩曼自律做運動

從早期的「釘姐」古靈精怪角色，到如今的氣場全開，被問覺得自己最大的成長是甚麼？阿佘表示：「最大成長應該係……我更懂得享受演每個角色嘅過程！（但好多網民都話你新代言廣告是顏值巔峰，被封逆齡天花板，究竟有甚麼自律秘訣才能做到？）大家太愛錫我喇！容貌一定有成長嘅，我覺得可能係唔需要太過分緊張歲數，因為每個人都有獨一無二嘅吸引地方，學懂欣賞自己每個時期就好！另外當然要自律呀，我都會做運動，亦會少食多餐。」又透露保持心情輕鬆開心好重要。