Bob林盛斌分享高低起跌14字座右銘：襟撈願做冇投訴 勉勵堅持終見出路

林盛斌（Bob）全新《BOBMAN搏命先生》世界巡迴棟篤笑，日前（29日）於澳門百老匯舞台正式揭幕。全晚棟篤笑演出，Bob以一貫幽默又接地氣的港式笑話分享外，更於演出中毫無保留地分享自己入行多年的高低起跌，將爆笑娛樂與深情人生哲學完美結合，令現場觀眾笑聲與掌聲不斷。

林盛斌搏命特技開場

今次Talk Show 以人生公路上「搏命」為主題，所以一開場，以boxer上陣的Bob，先瞓身搏命演出三項需經過專業訓練的驚險特技動作，令台下拍爛手掌。隨即Bob換上一身黑色型格look，感性又幽默地回顧自己的奮鬥史。由當年放棄豐厚收入的Sales職位、毅然轉做收入極微薄的DJ，到步入演藝圈面對各種挑戰，直言搏到盡換來今日踏上舞台開Talk show，並他表示人生公路長路漫漫，只要肯堅持、肯付出，目標明確，終能走出屬於自己的路。

林盛斌大談追債夫妻趣事

除了事業上的搏命分享，Bob亦化身苦主，分享生活喜感，大談追債奇觀與令人好嬲又好笑的奇人奇事，引起全場共鳴。此外，他又精闢拆解夫妻關係與男人間的日常互動，大爆看似滿載愛意、實質全是廢話的幽默對話，精闢金句連發，笑翻全場。

林盛斌壓軸驚喜改編《信》

演出尾聲，Bob帶來壓軸驚喜前，再次為他的「搏命人生公路」作結，感性寄語：「我同好多人一樣唔係贏在起跑線，但唔緊要，只要知道最後我哋要去到邊個終點咁就得。係難㗎！係唔容易，但難做嘅我哋先要做！日後喺你哋嘅人生公路上面，如果遇到難做嘅嘢，甚至係豬頭骨，我哋第一時間衝出去執，只要我哋肯執，就可以向命運說不！」