譚輝智爆與拉姑食飯大多講「仔女經」 拒認係「一哥」：冇呢啲嘢

「中聲2」亞軍譚輝智今日（30日）出席健康講座活動。訪問中，他透露身體雖沒什麼大毛病，但因為年輕時的壞習慣，近來出現了胃酸倒流的問題。他續指，壞習慣多是「夜瞓玩手機」等。記者問，黑眼圈是否梨夜瞓」所致，他回答：「我個仔出世嗰時都有。」笑言可能是遺傳。

譚輝智與拉姑一個月都一兩次

講回早前被爆拉姑「移情別戀」張與辰，譚輝智回答：「前幾日先食完飯，我同拉姑都係friend，唔會話咩移情別戀。佢都好撐每一個，每一個都好支持。我哋成班都成日出嚟食飯，一個月都一兩次。佢（拉姑）可能同我friend啲，搵我方便啲。（同張與辰冇咁熟？）一年啦，佢都同張與辰熟咗。」

譚輝智指拉姑分享育兒心得

譚輝智續說，與拉姑約食飯，大多是講「仔女經」，拉姑以一個前輩身分分享育兒心得，反而很少會談及工作。「因為佢見識多。」會不會擔心「一哥」地位不保？譚輝智反問：「邊個係一哥？」他也回答，自己從來沒有自己是「一哥」的想法，坦言：「冇呢啲嘢，自己顧掂自己囉。」