MC張天賦身高168累TXT擘腿就位 企箱增高反「出事」遭網民笑爆 本尊零尷尬回應：最緊要大家開心

張天賦MC今日出席品牌活動，他透露之後會到馬來西亞舉辦E=MC2演唱會。談到身高168.5cm張天賦MC早前出席音樂大賞時，與身高超過181cm韓團TXT拍Reels時企箱被網民笑一事，張天賦MC說：「我諗住咁近就不如畀個箱我企，我可以高啲，搵遠啲就見到我企箱，幽默吓搞笑吓。點知個箱太高，就做唔到嗰個效果。」變相後來，韓團TXT成員們表示可以張開腿遷就張天賦MC的高度。提到有網民取笑，他點答：「唔尷尬，拍得就唔怕，最緊要大家睇得開心。」

張天賦MC推洪嘉豪做「擋箭牌」

提到同場遇見其他韓星，他搵洪嘉豪做「擋箭牌」說：「都有少少私心幫嘉豪。（嘉豪鍾意aespa？）唔知㗎。（鍾意邊個？）對唔住呀，幫我孭咗佢啦。我就鍾意Karina嘅。（嘉豪呢？）唔知啦。」問到有沒有溝通過？他表示行程緊密未有時間，但就透露曾經碰面並打招呼點頭，不過，他的助手就指當時Karina是和助手點頭而不是張天賦MC。他也表示曾學習「初次見面，多多指教」的韓文，但被說發音不準。

張天賦MC赴韓國發展有機會冇壞

問到會否考慮到韓國發展？張天賦MC表示韓文要進修：「有機會冇壞。」張天賦MC也表示，自演唱會後肥了4kg，現時要減磅再食雞胸肉。將來的演唱會會否除衫「騷肌」？他回答：「隨緣啦。」