前新聞主播胡瀞詩底薪萬五離巢暴賺10倍 解密嫁豪門謎團：總有人慕名而來
近年不少新聞台女主播離巢後的華麗轉身，總在社交媒體上掀起熱議。她們鋪天蓋地的生活照裡，名牌手袋、高級餐廳與環遊世界成了日常，營造出一股「忽然富貴」的既視感，惹來外界紛紛猜測她們是否個個背景雄厚，或已順利「上岸」嫁入豪門。
前Now TV 新聞主播胡瀞詩（Ceci）日前在其 YouTube 頻道解開謎團，大爆業內秘聞。胡瀞詩直言主播的真實薪酬與外界想像相去甚遠，剛入行時底薪只得「一萬中」，在電視台苦幹數年更未獲加薪。真正讓主播們身價暴增的關鍵，原來全靠離巢後轉戰活動司儀、KOL及創業等多元發展。
胡瀞詩在2021年離開NOW新聞部
胡瀞詩在2021年離開NOW新聞部，轉行做活動司儀、KOL、說話班導師等，更開設了自己的書店，日前她拍片解答外界對主播的秘聞，她坦言初入行人工只得「一萬中」，工作多年人工未有隨年資增長，直到離職後才有轉機：「好多人誤解主播月入三至五萬，我新入職嘅時候，無論記者定主播都係around一萬中左右，老實講，嗰陣嘅我嚟講唔差，因為如果報紙或者Radio更加低 ，做咗幾年人工完全冇加過，直到我quit咗新聞主播呢一份工作之後，我嘅人工係以幾倍去翻，有時多嘅時候甚至10倍都有！但係我覺得後生捱下係好合理嘅事，同埋嗰我都學咗好多嘢。」
胡瀞詩解構「主播易嫁豪門」傳聞
胡瀞詩亦有談及「主播易嫁豪門」傳聞，她笑言自己並非受益者，至今仍需努力工作，但她大方證實業界的確存在成功案例：「我有聽過有啲舊同事，因為工作訪問嘅原因識咗啲本身比較有錢嘅另一半，後尾亦都係有好穩定咁樣發展，我亦都聽講有啲人喺電視上見到你，就透過朋友搭上咁塊去認識，不過後尾有冇發展就好難講，但的確係有人慕名而來想認識你，我自己都試過。」胡瀞詩又解密「新聞主播最容易出Pool的地方：「就係喺Newsroom，攝影師同記者、主播，係最容易擦出愛火花！始終日對夜對，咁咪容易拍拖囉。」胡瀞詩反而離巢後獲得更多不同界別人士搭訕：「我都有試過可能有啲藝人朋友或者明星朋友，我哋host嗰場event要同佢傾偈、chit-chat ，大家交換聯絡方式之後就會開始傾偈咁樣，但係最後都係冇緣份，不過的確經常都會有呢啲情況出現。」