林熙彤考車牌3次成功贏湯令山 耍手拒做緋聞男友司機：細佬專屬會呷醋

林熙彤在港台劇集《陪我講一傾心診所》中首次演人妻和媽媽角色，她指劇中有個3個月大的初生BB，不過因為以前曾照顧過細佬，所以湊B對她來說沒有難度，又大讚BB拍攝時好乖，沒有喊，問到現在23歲的她就已做媽媽角色是否太早？她坦言覺得早，但媽媽在21歲已生自己，所以覺得自己媽媽很偉大，問到拍完是否有興趣生返個？她表示完全不想，也不打算挑戰媽媽。

林熙彤祝願考車同行們加油

對於緋聞男友湯令山早前自爆考車牌四次均「肥佬」，已有車牌的林熙彤表示16歲已為自己定下目標，要18歲考車牌，而自己當時也考了3次才成功，提到她已勁過湯令山，她笑說：「考車真係唔容易，（所以佢考四次都考唔到，你都唔會覺得佢渣？）係呀！（有冇啲說話鼓勵佢？）祝願各位考車嘅同行們加油！」

林熙彤比較相信自己手車

至於若湯令山之後真的考到車牌，是否敢坐對方的車？林熙彤說：「我考咗車之後都比較相信自己手車，我好多朋友最近都考到都話我哋去練車，（即係你唔敢坐其他人嘅車？）我最近有注重自己人生嘅安危，因為我發生咗少少意外，我俾隻貓整親隻腳，我喺廁所，佢喺個櫃入邊整跌個門，跟住個門跌咗落我隻腳趾度，就發現原來人生真係有意外，所以我為我嘅人生買咗保險。」至於會否做湯令山的司機？林熙彤指自己是細佬的專屬司機，車其他人的話怕細佬會呷醋，又指不識教人揸車，所以不會教湯令山。