Gin Lee李幸倪生日会自爆「失踪」真相 预告9月概念碟强势回归

李幸倪（Gin Lee）昨日举行「GLFC歌迷会限定 GIN LEE 李幸倪《READY FOR》生日见面会」，与一班「GLFC」歌迷提早庆祝今个月26日的生日。话明是歌迷会限定，每位参加的Fans都手持「READY FOR GIN LEE 李幸倪 LIVE IN HONG KONG 2026『限量专属编号』· 珍藏版蓝光碟套装」，而这套光碟外面有钱都买不到，绝对是fans专属的珍藏。

李幸倪生日会歌迷限定蓝光碟

Gin一现身，全场即刻尖叫声不断，她首先多谢大家一直以来的支持，「多谢你哋睇我演唱会，同埋多谢你哋买呢只Blu-ray呢个特别版，呢个特别版喺出面绝对系买唔到，only for GLFC，希望你哋感受到我呢份诚意。多谢你哋今日出席。」提到这个特别版蓝光碟套装，她指制作过程不简单，「里面见到好多嘅小心思，每次都系会谂fans钟唔钟意呢？收到会唔会开心呢？所以我哋改咗好多次设计，就系希望你哋会感受到呢份诚意。」之后全场一齐坐定定，重温演唱会的精彩时刻。

李幸倪将第一个愿望送给歌迷

去到生日会重点环节，当然不少得切蛋糕！蛋糕上面更有Gin演唱会造型公仔，十分精致。全场歌迷一齐大合唱生日歌，Gin就合埋眼许愿，讲到生日愿望，Gin就话：「我每一年同Fans一齐过生日，我都会将我第一个愿望送俾每一位同我一齐过生日嘅Fans，就系你哋，我喺度好衷心祝每一位身体健康、生活愉快、好平安、每一日都会感受到好多嘅爱、同埋每一日都会好幸福，呢个系我送俾大家嘅第一个愿望。」说完后，她笑着说听闻有三个愿望，剩下的两个就留给自己静鸡鸡许，场面搞笑又温馨。

李幸倪大爆好消息

Gin又分享近况，自言之前「失踪」了一阵子，其实是到不同地方工作及做歌，还大爆好消息，「好快应该9月头会有新歌，系好refreshing嘅一首歌，大家可以期待吓啦，同埋呢首新歌会系我新碟、一只概念专辑嘅第一只歌，所以系全新嘅一个concept，感觉亦都会系一个全新嘅阶段。」并叫大家拭目以待。来到生日会尾声，Gin逐一跟歌迷签碟、倾偈及合照，超级宠粉！