謝天華任港姐最上鏡評判攞正牌睇女仔：唔係選濾鏡小姐身材線條都要望 伍允龍讚李蔓瑩最上鏡

《2026香港小姐競選決賽》將於8月30日晚（星期日）舉行，候選佳麗今日於尖沙咀會晤大會評判，除無綫高層蕭世和、樂易玲、黃德慧、姜偉、陳玥臻外，「最上鏡小姐」評判陳美齡、苟蕓慧、伍允龍、謝天華亦有出席。

謝天華談上鏡標準唔係選濾鏡小姐

謝天華表示自己曾擔任張曦雯一屆的「華裔小姐」評判。問及對「最上鏡小姐」的評分準則？他直言：「上鏡呢樣嘢好抽象，我哋今次唔係選濾鏡小姐，所以要見真人，尤其是要睇五官對唔對稱，眼大未必靚。呢方面要請教伍允龍。」

謝天華任港姐最上鏡評判。

謝天華談上鏡標準不是選濾鏡小姐。

同是上鏡小姐評判的伍允龍唔怕李蔓瑩呷醋。

伍允龍覺得佳麗信心重要。

「最上鏡小姐」評判陳美齡、苟蕓慧、伍允龍、謝天華。

陳美齡、苟蕓慧、伍允龍、謝天華有一套審美標準。

候選佳麗今日會晤評判。

伍允龍讚女友李蔓瑩最上鏡，謝天華即說：「學到嘢！」。

伍允龍、謝天華認同要見過真人決定獎項得主。

伍允龍及謝天華會上搞笑地比武。

伍允龍認愛細13年「咪神」李蔓瑩。

李蔓瑩上圍好澎湃。

伍允龍認同「見真人」

突然「接波」的伍允龍先是驚訝了一下，又說：「我覺得信心好緊要，我覺得咁多位都好高學歷，所以今次嚟有少少緊張。」他也同意謝天華講法，最重要的還是「見真人」：「見到有幾個上台震緊，又唔怪得佢，我覺得有信心啲會吸引啲。」謝天華又補充，學歷也有直接關係，因為會予人「書卷味」。

謝天華期待泳衣環節

謝天華又說，樣貌重要，但身材也是要素之一：「身材都要上鏡，企嘅角度，應突出嘅突出，線條美感，要識擺pose，幫助到上鏡。」問到有沒有「心水」？他坦言：「今日着晚裝未必睇得晒，我諗泳衣環節可能睇得出。（期待泳衣環節？）梗係啦，攞正牌睇女仔，可以大大方方睇。」記者笑言伍允龍也是「攞正牌睇女仔」，他一臉正氣，回答：「今日都係做嘢啫。（嗰晚呀）嗰晚都係做嘢。」

伍允龍讚女友李蔓瑩最上鏡

問到「最上鏡小姐」準則要比女朋友李蔓瑩好？他即賣口乖回答：「頭先佢(女友)有問我邊個最上鏡，我話：『梗係你啦！你冇嚟選。』」謝天華即時說：「學到嘢！」記者問女朋友有沒有呷醋，他回答沒有：「工作之嘛，我哋做呢行都好多靚仔靚女。佢都成日接觸好多靚仔。（佢接觸靚仔，你會唔會呷醋？）唔會，我識武功㗎嘛。」