麥包感恩TVB不抗拒回巢 對女婿有要求：贏唔過我就唔好諗

麥長青（麥包）今日獲邀做譚玉瑛、林柏希及何基佑主持的新城廣播新節目《放飯ICU》第一集嘉賓。麥包近日出席活動時意外跌倒，導致右腳後十字靭帶撕裂，幸好無大礙。

麥長青感恩TVB栽培

他坦言在TVB成長，17歲入行由母親簽約，對公司充滿感恩：「沒有TVB就沒有今日的我。」雖然曾與新人合作時感到挫折，但從未公開批評公司，只是在公開場合批評某些人，卻一直被指「鬧公司」。」

麥長青澄清演戲夢非主角夢

他又指出：「以前有前輩問我想要乜，我話想要一張屬於自己嘅海報，意思即係自己做主角啦。我個係演戲夢，唔係主角夢。如果再有機會做主角，我會想演警察，因為演員同警察都係我志願，後來就揀咗入TVB。」

麥長青首曝《相聚鳳凰台》幕後身份

節目中他又首次披露，在《閃電傳真機》年代曾擔任《相聚鳳凰台》節目的幕後工作，負責導演及編寫script，連譚玉瑛都不知道此事，他笑言：「我唔係秘撈，幕後工作性質不同。」

麥長青對女婿有要求

此外，對於子女，麥包表示26歲的女兒若要結婚不會阻止，但對女婿有要求：「他贏唔過我就唔好諗！」細仔已於澳洲畢業，將回港發展。他計劃之後多與老婆享受二人世界，四處旅行。譚玉瑛更笑指他「論論盡盡，諗到嘅方法都錯」，但幸得老婆包容及指導，麥包又爆金句：「出去做嘢冇公平，响屋企冇道理講！」