「光头仔」王嘉明自资出歌圆梦 袁伟豪力挺做监制 剖白「唔使做」质疑丨独家
80年代《最佳拍档》的「光头仔」王嘉明，45岁仍怀抱演艺梦，最近自资推出处男歌《曾经我是光头仔》，请来相识廿载的好兄弟袁伟豪（Ben）担纲新歌监制。Ben虽三年没剧没歌，却从未停步，只是暂且放慢脚步享受家庭，惟面对网民「唔使做」的质疑，他开腔剖白：「唔使做就拜拜冚盖㗎啦！」采访：方骞平 摄影：朱伟彦
王嘉明新歌细诉半生缩影
「光头仔」称呼曾令王嘉明又爱又恨。新歌《我就是光头仔》正是他细诉半生缩影，由童星时代的得意，到20多岁拍拖时被叫「光头BB」的尴尬：「出到去个个都叫我『光头BB』，20多岁Dating点顶先得㗎，好攞命！」人到中年的他学懂包容：「冇办法搣甩，因为系曾经嘅自己。」在旁的Ben虽冇具体详述，但却有感而发：「人生有好多嘢系搣唔甩嘅，大家明就得啦…大家知我系一个演员咪搣唔甩。」
王嘉明处男作筹备经年
王嘉明花了整整一年筹备，自掏腰包录制处男作，只为圆一个音乐梦。在关键时刻，想起20多年前在Band房认识的Ben：「当年大家都系Band仔，近年重遇，发觉音乐方向依旧相同。」Ben二话不说担起监制重任，嘉明笑言：「佢叫我戒食辣、炸、冻嘢保声，又教我揸捏感情方向，仲象征性收封利是，『一条龙』帮我搞掂首歌，呢啲咪兄弟囉！」被问投资多少？他避谈数字，只说「为梦想，亦还畀重要朋友一首歌，所以要做埋地产经理揾钱录歌。」他盼望日后能与Ben合唱，但笑说：「要等佢得闲」。
袁伟豪享受人生另一阶段
Ben对上出歌已是3年前，拍剧亦停下3年，Ben却不认为自己「消失」。他坦言：「入行29年，跑咗一段时间，呢几年人生有另一个阶段，成家立室、有小朋友，我学做爸爸、做司机，呢啲都系礼物。」对于外界指他现时生活环境「唔使做」，Ben一笑置之：「唔使做就真系唔使做啦，就拜拜冚盖㗎啦！其实都要揾啲嘢过日子嘛。」他表明自己一直参与幕后，包括电影合成、融资，也乐于向后辈分享经验：「开工唔好迟到、唔好玩电话、要有团队精神，呢啲我都会教。」
袁伟豪视「Family man」作品
面对近年多位前辈离世，Ben感触良多：「好心噏，启发到我人到中年，唔知自己几时突然『够钟』。」与其负面看待工作减少，不如活在当下，用专业继续行落去：「我哋跑得就跑，否则慢行住先。」他更将「Family man」视为自己的作品之一：「揾到快乐就得。」
王嘉明叹曝光不易
王嘉明在旁补充，其实在圈中持续曝光并不容易；Ben认同兼重申，自己绝不会放弃演戏梦想：「仲有好多梦想，好似『斜杠族』咁边行边等机会等剧，但强调唔会负面去谂，今日停低唔会永远停低，只系换个角度享受奔波多年后难得嘅喘息机会，从家庭生活中汲取演戏同音乐创作灵感。」他寄语同路人：「同一面之缘嘅朋友，大家互相祝福，正面啲。继续行人生嘅路，珍惜每一日，默默坚持就够。」