亨仔@ROVER健美賽奪冠1周後由76kg暴脹到90kg 苦讀10年終畢業不介意繼續做地盤搵食 希晉@ROVER27歲生日願望兄弟搵多D
OVER成員陳鎮亨（亨仔）和王希晉昨晚（16日）出席籃球活動，期間更與NBA球星Kawhi Leonard一起落場打波，兩人都感到興奮，希晉更笑言有趁機摸對方，亨仔就指這回憶一世都會記得。
亨仔@ROVER連續打邊爐令腹肌消失
亨仔早前於「HKUBA全港中學及大專健體聯校比賽」奪新秀組冠軍及大專組季軍，他開心指剛才參加籃球比賽又勝出，一個月內發生兩件開心的事，感覺好多姿多彩，問到完成比賽後是否會keep身形？亨仔即笑說：「比賽一個禮拜前完咗，我已經由76kg上返90 kg，真係好不幸。未來目標係想變返上台嘅身形，因為好想影到一輯腹肌相，而家都有，但我想做返嗰個狀態，盡量啦！」他指比賽後，因為師傅和師母知道自己為食，已叮囑他翌日去影腹肌相，但自己連續打了兩日邊爐後，第三日已經沒有腹肌，事後也不敢跟兩人講，所以現在要努力，希望在兩個月後可以影腹肌相，又透露參加比賽前，用了極端方法，令自己在兩個月內完成操練，所以當時是很辛苦。
亨仔@ROVER認有經濟壓力
另外，提到他苦讀港大10年後終於畢業，亨仔表示之前讀其他科，覺得自己不適合，所以轉了現在的機械工程：「之後又玩《全民造星》，所以又停咗兩年，前前後後加埋DSE，差唔多10年，其實呢個旅程都幾長，但身邊都好多人鼓勵我繼續讀，因為我好多次想放棄，但屋企人、監製、甚至乎我啲兄弟（ROVER)等都叫我頂埋佢，佢哋真係好好，有時我係因為上堂而缺席好多練習、綵排，佢哋都話你搞掂先啦，所以好感恩。」至於機械工程是否跟他現時做的地盤工作有關？亨仔說：「如果夾硬講都有關係，香港讀機械工程，讀完之後一係落地盤，如果畢咗業考咗牌好啲咪做簽名嗰啲，但我而家係落手落腳做，想學吓嘢先。（地盤會繼續做？）係，我係鍾意學嘢，都冇所謂，遲啲做師傅搵得多（笑）。」至於之後會否繼續讀書？他就坦言沒有打算，因為讀到好攰，又覺得現在時間分配上很好，可以繼續兼顧ROVER和地盤的工作，問他單做ROVER是否真的有經濟上的壓力？他指現在市道不好，所以自己找方法去維持生活，這是無可厚非的事，亦不應該被取笑：「我覺得好正常，大家都要生活，同埋我哋四個都有傾，都要搵到先可以繼續撐，同埋都想照顧屋企。」
希晉@ROVER教人唱歌幫補生計
問到希晉私下是否也有秘撈？他坦言有教人唱歌，因為自己本身也很喜歡唱歌，自己平時也很多口好多意見：「教人唱歌時自己也可以增值，也可以繼續做ROVER的工作，何樂而不為？（係咪因為大個仔有呢啲諗法？）其實一直都有呢啲諗法，只不過今年突然間覺得係要實行，其實仲有好多其他嘢都籌備緊，自己可以學多啲嘢，可以裝備自己學多啲技能。」對於他今日27歲生日，他指前日跟粉絲們慶祝，不過就因為太開心玩到凌晨2、3點，搞到粉絲要call車回家，雖然感到不好意思，但整個過程也很開心，問到生日願望？他說：「希望身邊嘅人都開開心心，同埋繼續有嗰團火去做自己中意嘅嘢，最緊要有目標，大家都可以有好清晰咁搵到自己目標，ROVER一定要繼續努力，做多啲歌，希望可以多啲人再見到同欣賞到我哋，同埋四位兄弟都繼續揾多啲錢。」