肥仔自嘲「短期摩打」得2分鐘衝力 爆阿Dee話姜濤奪冠阻結婚 : 係事實 拍劇自加「神來之筆」扯底褲被讚寫實

ERROR成員梁業（肥仔）、吳啟洋（Phoebus）和歐鎮灝（George）、ROVER的陳鎮亨（亨仔）和王希晉及ZPOT的黎子琛 (Alvin）和黃日禧（Dave ）等昨晚（15日）出席「Kawhi Leonard Asia Tour Hong Kong」，何廣沛及譚俊彥更特意帶同應援物捧維記隊。

肥仔打波場上勇猛

一眾藝人組成的明星隊與維記籃球隊進行比賽，明星隊先以25比10贏出上半場，而比賽最後明星隊以49比38勝出。之後明星隊成員亨仔、希晉及George等亦被安排與NBA球星Kawhi Leonard打3vs3。肥仔雖然未有得分，但見他場上很勇猛，回守時有加速跑得很快，他笑指自己是「短期摩打」，只有2分鐘衝力，衝完就要休息：「0到100之間我可以去，如果打四節，每節15分鐘，我係可以出晒，（打籃球定Pickleball好啲？）Pickleball，個場細啲同埋多女仔打啲。」

肥仔請姜濤宣傳新歌

肥仔早前找來姜濤拍片宣傳其新歌《錯》，他笑言那是宣傳策略，出片後除了多人點讚外亦有更多人留意到自己出新歌，對於片中阿Dee（何啟華）指因姜濤得到《全民造星》冠軍令他不能結婚，肥仔就表示「係事實」，至於何時會娶女友？他就指「再算啦！」問到女友當初是否知道他的想法？肥仔說：「你哋咁講佢實知，（佢而家有冇追究？）唔會囉，俾佢繼續天真落去。」

梁業預大結局現場再示範扯底褲

另外，肥仔有份演出的電視劇《日落下的彩虹》中，因他加入了扯底褲的小動作，被網民大讚夠寫實，肥仔那是「神來之筆」：「導演叫我行咋嘛，但齋行欠缺屋村感，我想演繹一個屁孩，無啦啦條底褲攝咗喺度，就戚一戚。（係咪本色演出？）唔係，係有個朋友教我。（大家都讚。）衰衰咁講， ERROR真係屎忽橋多。劉（偉恒）導演又好free，一開始我試俾攝影師睇，佢笑到趴喺度，幾鍾意，咁咪keep！」提議他在大結局的時候現場再示範一次，肥仔笑言可以，因這是很小的事。