樊亦敏為林淑敏出頭︰想搵爆料人出嚟傾 力挺車婉婉籲觀眾給予時間

樊亦敏（14日）出席新劇《驅魔速遞》開鏡拜神，透露其角色會貫穿整齣劇，不時出現，笑言跟「三太」角色不一樣，不介意大家在片場中繼續稱呼她為「三太」。另外，提到最近滕麗名和林淑敏（大小姐）傳不和，就連已經離開TVB的「細龍生」鄭世豪日前分享《愛•回家之開心速遞》拍檔合照時，亦獨缺林淑敏，再次引起網民熱議。

樊亦敏避提劇集腰斬

提到網上有人爆料指大小姐人前人後兩個樣，樊亦敏明言，所謂的網上爆料︰「唔知有幾多成真！我想搵爆料人出嚟直接講！」並盛讚林淑敏工作認真，續說，同一班《愛•回家之開心速遞》演員合作多年像家人，相處時會有各種情緒，而私底下會約飯聚，又笑稱，一早同陳浚霆講明會Unfollow其IG。提到《愛•回家之三代同糖》主演車婉婉被網民勁踩，樊亦敏則力撐好友，毋須向對方教路。談到有網民重提多年前第二輯，由黃翠如主演的《愛回家》腰斬一事，樊亦敏避談，指交由公司決定，並呼籲觀眾畀多點時間、信心予新處境劇《愛•回家之三代同糖》。