日落下的彩虹｜何洛瑶教路友情要吵架 与许轶葛绰瑶越闹越Friend：冲突系嚟自生活习惯唔同

ViuTV原创剧《日落下的彩虹》逢星期一至五晚上9时30分播出。剧集以七个发生在彩虹之下、细腻动人的小故事，编写各种情感与遗憾，建构香港人的屋邨情怀。当中由不同人物串连不同故事，阡陌交错，并穿插彩虹邨进入倒数的命运，引发现实共鸣。

许轶 葛绰瑶 何洛瑶好耐冇合作但有默契

昨晚播出的一集，讲述Windy（许轶 饰）、Moon（葛绰瑶 饰）和Sunnie（何洛瑶 饰）的闺密故事。三人首次合作拍剧，许轶（Day）觉得很有新鲜感：「除咗《全民造星》之外应该就系今次，大家都系做返好姊妹，导演会话『好似你哋食饭咁样相处就得㗎喇』。觉得几得意，都系闲话家常。」葛绰瑶（Yoyo）笑言与她们合作感到有趣：「有时同啲经常见面嘅人拍戏系几搞笑，个状态好难拿捏。本身我哋系好滑稽，但一齐拍剧就要好认真。好耐冇合作但又会有一定嘅默契，起码一齐会有个化学作用。都几搞笑，又唔会好尴尬」。

许轶 何洛瑶 葛绰瑶一致认同吵架令友情升温

剧中三人因有不少磨擦而经常吵架，何洛瑶（Sica）建议一定要吵架：「无论系同朋友、屋企人定另一半相处都一定要嘈交。冲突系嚟自大家生活习惯嘅唔同，只要沟通到，喺过程中了解大家更多，感情系会升温。因为我同朋友都系成日闹交，但我哋系越闹越 friend」。Day表示有同感：「其实讲多啲心底话出嚟，大家会互相了解多咗。」Yoyo亦同意指过程中先知道大家的底线，真正的友情是不会轻易受到影响。