陈健安明年1.10首开户外演唱会 变「E人」掌控时间 期待与观众享受黄昏到日落

陈健安将于明年1月10日晚假西九文化区竹翠公园，举行「陈健安时的状态演唱会2026」，今次他将化身「时间领袖」，让观众忘记身份、年龄和所有烦恼，投入他的音乐探索宇宙，寻找新伊甸园，亦是安仔首次举行个人户外演唱会，他笑言会变成「E人」，让观众尽兴。

带领大家享受音乐旅程

安仔穿上大地色的西装，在舖了沙粒的「沙漏」场景拍摄演唱会海报，意寓他就是「沙漏」里的「沙」，亦即是「时间」：「今次演唱会叫『时的状态』，我会喺演唱会中控制大家嘅时间。大家忘记晒所有嘢，跟住我嘅节奏、我嘅音乐，忘记各自嘅身份，唔系老板、唔系员工、唔系妈咪、唔系男朋友、唔系女朋友⋯⋯乜都唔系，全部都系我嘅族人。一齐嚟到我嘅party，放低所有时间、年龄，等我带领大家一齐享受整个音乐旅程。」

以音乐引领歌迷向前进

去年2月安仔在麦花臣场馆举行首次个人演唱会，今年转战户外演出，他非常期待与观众享受由黄昏到日落的音乐世界，「之前C AllStar 喺呢个场开过演唱会，感觉好正，可以望住个天，由日光睇住日落唱到天黑，同大自然紧扣，我自己好钟意睇festival（音乐节）。我都想今次演唱会似festival ，好缤纷，有好多互动环节。做outdoor嘅骚，我个人都会outgoing啲，会『E』啲！」至于「寻找新伊甸园」是安仔今年音乐企划的主题概念，他说：「一个末世，陨石撞落地球，我哋一齐去揾呢个新嘅伊甸园。希望大家入到我嘅演唱会，会有一个咁嘅感觉，好似去咗一个新嘅世界，去explore（探索）自己、呢个世界或者我。喺呢两个小时里忘记所有嘢，随着我嘅音乐去引领大家向前进。」