草蜢重返校园巡唱 受学生热情所震撼 激赞劲过红馆
寰亚音乐一年一度「GROOVE GALA MA FAMILY SCHOOL TOUR」又启动，今年校园巡唱阵容强劲，有冯允谦（Jay）、陈健安、黄淑蔓（Feanna）、云浩影（Cloud）、乐队Nowhereboys Boys、乐坛新人卢慧敏（Amy Lo）及舞林新星蔡浩然（Scott）等大晒冷。其中在城市大学站，有出道40年的「元祖级男团」草蜢特别演出。
草蜢助攻介绍新人Matthew
首次参与School Tour的草蜢感觉新鲜刺激，他们以《华丽舞台》打头阵，台下学生们跟住唱，蔡一智说：「今日CityU嘅同学仔突破咗红馆第一行观众，因为依家红馆第一行都未必握到手。今日真系好近，一伸手就掂到！」随后草蜢在台上介绍新面孔Matthew，蔡一智说：「佢叫Matthew，都系CityU嘅同学仔，今年Year 2。认住佢，佢啱啱签咗我哋寰亚，做咗我哋师弟！」还叮嘱他：「记住CityU有乜嘢活动，带埋我哋一齐嚟玩。」之后草蜢演唱新歌《老的辣》，全场兴奋！完场后蔡一杰说：「今日好开心可以返到校园唱歌，我哋三个都好耐未试过呢种感觉，回忆返晒嚟！」蔡一智说：「以前我哋唱好多学校骚，不过好耐无唱啦，所以好多谢公司搞咗呢个School Tour，我真系估唔到啲同学仔咁热情。最初我以为系佢哋嘅爸爸妈妈先至会听我哋嘅歌，估唔到一唱《华丽舞台》大家都识，仲大合唱添，好惊喜！」
蔡一杰坦言：「其实头先喺台上我有啲紧张，因为有个唔记得咩名嘅症，总之好近距离表演时，我就会异常紧张。我今日最惊喜系台下嘅小朋友，都识我哋三个大哥哥，我好开心。啲同学仔佢哋都好开心，因为平时只会喺电视机或者喺K房先见到我哋，今日可以见到真人。」苏志威笑言：「今日嘅欢呼声真系听到好开心，年轻力壮嗌起嚟好雄壮，佢哋嘅欢呼声令我好兴奋，虽然个台细细地，但同观众好亲近，感觉同红馆一样咁震撼，我都同喺红馆表演一样咁落力！」而现场更有同学高举「我五岁就追草蜢」牌，令草蜢好感动。
草蜢对Scool Tour乐而忘返
此外，不少同学在宿舍楼房窗边捧场，挥动手灯又做心心手势打气，蔡一智笑说：「佢哋好似喺启德运动场坐包厢，VIP嚟㗎！」苏志威说：「佢哋喺VIP区有冷气好正，但落嚟企台边睇嘅同学好近距离感受我哋嘅表演，可以握手，互相感受到大家嘅热情。」表演最后全场大合照，同学仔大叫encore，草蜢就预告明年4月红馆演唱会，蔡一智希望毕业礼再请他们来庆祝，又说：「下次搞个草蜢Scool Tour啦！原来咁好玩，可以比佢哋感染到𠮶种开心气氛！」至于日前School Tour香港大学站特别嘉宾邓丽欣（Stephy），适逢是她生日的翌日，所以大合唱《会再见的》后，Feanna捧出生日蛋糕上台，全场唱生日歌贺Stephy，她回礼将生日愿望送给现场所有同学仔，祝大家心想事成。