熊黛林长驻内地工作撇低老公两个女 闻郭富城将迎第三胎尴尬笑

熊黛林（Lynn）、朱千雪、简淑儿、ANSONBEAN今日（14日）出席美容活动，久未在港露面的Lynn容光焕发兼身材Fit爆，她表示刚度过45岁生日，自言保养尚算不错，有努力做运动，现时大部份时间在内地工作。

熊黛林︰做家庭主妇好闷

Lynn明言家庭主妇生活沉闷，她说：「冇咗追求、价值同目标，日日喺屋企净系做人妈咪、老婆好无聊，冇工作冇自信，同老公都冇话题啦，开口就讲小朋友，屋企要买米……我40几岁就要咁？仲有几十年点算？所以有嘢做会好啲，唔会同社会脱节，而家有戏就拍，做直播扮靓都开心，同老公多咗话题。」Lynn表示在内地工作与老公郭可颂似小别胜新婚，身在香港的老公会挂住她，笑指见面时老公特别黐身，而女儿已习惯母亲的工作模式。Lynn自认「虎妈」，够恶又严格，惟囡囡7岁开始反叛，两女儿会打交又顶嘴。谈到日前生日，她指女儿忘记画生日卡，「老公送佢个人畀我。」会否再造人？她说不会，已45岁很难收身，有两个小孩已足够。

另外，谈到旧爱郭富城快将迎接第三胎，Lynn表示：「新闻好难睇唔到，都知道啲。」问会否恭喜城城？她尴尬地笑，并说：「你哋咁多人恭喜佢就得啦！」