何依婷与罗子溢床战戏唔怕老公睇到 将到内地出埠20日挂住爱女：我真系喊

何依婷今日（22日）到铜锣湾拍摄医疗广告，获大会送上加细码三点色泳衣。何依婷笑指收泳衣没有压力，因现在已回复到未怀孕时的体重，她指女儿「Baby R」已5个月大，工作要外出也非常不舍，笑言今天出门口时讲了3次bye bye，但她认为做妈妈需要竖立榜样，教识女儿是需要工作，所以自己要以身作则。

大赞老公大方

提到她在台庆剧《金式森林》中半裸与罗子溢床战戏，何依婷指拍的时候自己也「哇哇」声，问到可会怕老公睇到？她表示不会：「佢好大方，钟意睇就睇，好大自由度。（之后有冇更激场面？）冇，埋身肉搏已经系最激，再激啲电视都播唔到！」虽然已变成人妻和人母，但何依婷指不介意日后再拍这些尺度的戏，最重要是看角色需要：「演员身份就系需要专业，唔可以话而家系点，唔做呢啲嘢，（有底线？）有，电视出得街！（使唔使问老公先？）唔紧要啦，拍咗先再问佢，讲笑，其实佢好大方，当然每次收到剧本都同佢有商量，佢好支持我工作，我希望我有自己事业，都会陪我睇返啲剧，畀意见我，所以我相信佢绝对会支持！」

为了工作可牺牲好多

工作方面，何依婷表示暂时主力在综艺的工作上，早前更到韩国拍摄，去了约10天，当时每天也要叫人传女儿的照片给自己看，稍后亦会回内地拍摄，今次将出埠约20日：「我真系喊，冇办法，为咗工作可以牺牲好多，到时就由老公陪个女。」