黄智雯人妻解放大骚完美体态 为最佳效果逼老公无饱饭食

黄智雯Mandy日前为代言美容品牌性感上阵拍摄广告，露背之余亦有低胸露腿，大骚完美体态，Mandy笑言今次拍摄是她婚后首次「大解放」，为了以最佳状态示人，事前做足准备，更要老公陪她「清洁饮食」，实行整整一个月冇饱饭食！

舞台剧后急调整

早前完成舞台剧《薄伽梵歌》后，瞬即又要为代言美容品牌拍摄广告，Mandy直言演舞台剧压力很大，彻夜难眠，为拍广告，首要准备是调整身心：「做舞台剧都瘦咗7、8磅，完咗舞台剧后，知道要拍广告，即刻调整身心，瞓番多啲，因为演舞台剧压力好大，有啲失眠；另外喺体态上亦要做准备，例如护肤、饮食上又要食得干净啲，少糖少油少盐。」

今次广告Mandy以两个性感造型登场，是已为人妻的她首次「大解放」，她说：「刚才拍摄，有几个镜头令我谂起影婚纱相，因为白色裙又有纱，好有着婚纱嘅感觉。今次冇特别同老公讲有几性感，不嬲佢都唔会过问我嘅工作，最紧要性感得嚟健康；佢净系知我要演舞台剧同拍广告，知我要Keep Fit，所以陪我一齐进行『清洁饮食』食得健康啲，食蛋、食鸡胸，不过佢就冇瘦到，因为佢夜晚会去偷食零食。」

日日敷Mask护肤

提到性感上阵，Mandy直言最满意自己个背脊，她自豪表示：「个个人见过我背脊都话靓，冇暗疮㖞。其实我每星期都有做磨砂，好好护理背脊，反而前面（胸）够就可以，自己比较喜欢骨感。」

此外，贪靓的Mandy更自封美容达人：「可能因为妈妈从事美容行业多年，所以自小已经畀佢灌输好多护肤心得，到而家无论几忙都好，我都会日日敷Mask，但唔知点解我啲Girl Friends胡说八道会，佢哋唔信我日日敷面膜，但佢哋同我出trip后，就知道我真系每日都做。」