蔡一杰康复 草蜢重启巡唱 宣布明年4月红馆贺40周年

由于去年成员蔡一杰接受脑部手术，原定「Re:GRASSHOPPER演唱会」世界巡回演唱会暂停，随着杰仔康复进度非常理想，巡唱再次启动。同时亦积极筹备明年4月红馆，草蜢40周年演唱会及推出全新专辑。而杰仔亦宣布好消息，他配合新歌《老的辣》将推出「老的辣捞面」，寓意大家捞到风山水起，身体健康。

以「打边炉」形容演唱会重启

蔡一智说：「今次『Re ：GRASSHOPPER演唱会』真系同『Re 』呢个字好有缘份，喺杰仔Recover（康复）之后，再Restart（重启），我哋将呢个演唱会带去新加坡、澳门、马来西亚、广州等地方，同大家一齐Reunion（重聚）。我哋亦都会将好多草蜢经典歌曲Rearrange（重编），希望带俾大家耳目一新嘅感觉！」阿智用「打边炉」形容演唱会重启，「同喺香港打边炉一样，你打过一次边炉，点会唔打第二次？食第二次会有唔同感觉。」苏志威补充：「因为会有新菜式！」杰仔点头，阿智说：「今次呢锅边炉就加咗辣，因为蔡一杰写咗首新歌《老的辣》，所谓『姜是老的辣』，有唔同食法。所以即使之前睇过都可以再睇，因为系不一样！」

预计12月公布订票详情

杰仔笑言不单只有得睇，亦有得食，说：「我对『杰少煮意』（他的网上烹饪节目）嘅支持者讲声对唔住，我差唔多接近两年无上新片，首先系咁做巡回演唱会，后来我要做手术，所以今次推出『老的辣面』希望大家包涵包涵！」他透露是「捞面」，阿智笑说：「食咗就咩都有得捞！」杰仔表示希望大家捞到风生水起！完成四站「Re：GRASSHOPPER演唱会」巡唱后，紧接启动「草蜢40周年企划」，包括收录了杰仔新作《老的辣》和阿智作品《Framily》的专辑，以及2026年4月红馆演唱会和世界巡回演唱会。阿智说：「上次喺Kelly（陈慧琳）演唱会宣布呢个消息之后，亲朋好友开始追Call我哋要买飞。呼吁大家唔好再揾我，我Quota（配额）爆架啦，揾佢哋（指住杰仔和苏志威）或者林珊珊（经理人），预计12月公布订票详情。」

草蜢马不停蹄，忙于两个大型演唱会期间，下月初中秋节参与广州举行一连三日「超级草莓音乐节2025」其中一场演出，预告将劲歌热舞接近一个小时。阿智表示会带月饼、茶和应节食品一齐去做骚，草蜢一齐过中秋，人月三团圆！