Tyson Yoshi被屈虚构癌症Fans故事 反击ProdiG：佢欠𠮶家人一个道歉 户外骚畀歌迷射暖水疑似尿

Tyson Yoshi昨晚（16日）现身澳门，担任「涂浪狂潮派对」表演嘉宾，身穿灰色背心现身的Tyson Yoshi大骚「麒麟」手臂，一连唱出《 I don’t smoke & I don’t drink》、《That Guy》、《Love you & your friends》。变瘦了的Tyson接受访问时，笑言婚礼期间乱吃东西，担心变肥，于是勤操肌及计算食量。谈到太太是否满意他现在的身形？Tyson 笑指太太没选择，她喜欢老公有肚腩，惟未来五年都不会发生。

Tyson享受被「攻击」

谈到在台上献唱可有留意台下泳客？因为早前在同一场地任表演嘉宾的张敬轩形容「波涛汹涌」。Tyson笑说：「我都有波啦！轩公冇波，咪𥄫人对波囉！我初时仲笑人啲水枪废，讲完后悔，有个男士喺左面食住啲风，每一下射中我。」问畀人射水感觉如何？Tyson笑言有点享受，期闲有人向他射暖水，相信不是尿液，又笑指若主办方畀得起钱，他可参与水上商演，而自己的演唱会就毋需玩水被人射，「其实我上台前有问过可唔可以跳落水，但原来好浅水，跳落去会断脚！」另外，提到独立歌手ProdiG（江学镛）在社交网发文指歌曲《Growing Up》是为Tyson作曲兼填词写的第一首广东话，最后变成独唱版本，又指Tyson虚构癌病小朋友故事呃粉丝，Tyson坦言ProdiG经常发牢骚，对方可能情绪不稳定，惟谈及癌病小妹妹就要出声。

Tyson续说：「小妹妹个哥哥揾我，话可以帮我做证，仲话好彩爸爸妈妈睇唔到，因为屋企要Move On好难。你要发癫搞我冇问题，无端端搞人屋企，我觉得佢唔系欠我一个道歉，我亦唔欠佢一个道歉，但佢欠𠮶一家人道歉囉！」谈到ProdiG指Tyson向PR表明不想见到某些Artist，打压其他艺人，Tyson说：「我都唔知讲咩好，我要拎嘅证据出晒嚟！我谂佢火遮眼，如果佢想搞我，冲动咗，欠缺少少计划。」

Tyson︰ProdiG情绪不稳

问到跟ProdiG是否再见亦是朋友？Tyson说：「其实我识佢好耐，熟就唔系好熟，但见面时佢系超级有礼貌，次次听人话佢Send讯息闹人，我觉得佢情绪有时好难管理。（介意同ProdiG同场出席活动？）冇所谓，我都系赚钱！创作就唔好，如果我想执粒音，唔知讲唔讲好，又怕佢唔开心。《Growing Up》我话出咗Solo先，之后同佢出Remix，其实我好婉转同佢讲，好难直接讲唔啱用，我话我出咗先，见佢无follow up就算啦！错就错在我无斩钉截铁同佢讲『唔用啦』！」

Tyson林家谦红馆骚举中指

再提到张敬轩早前一则「菠萝包」帖文酿起骂战，问到可有担心对方？Tyson表示有传短讯予轩公，对方回复表示「All Good」。提到林家谦即将红馆开骚，Tyson表示自己并非嘉宾，可能跟魏浚笙、Serrini入场欣赏。不带太太入场？他即说：「再讲过！老婆。（如有Kiss cam再锡过？）家谦演唱会唔会有呢啲，如果影到即刻畀只中指。」