COLLAR以為去度假｜Day化身導遊一改「唔聽人講嘢」缺點 Candy與Ivy玩跳傘尖叫噴口水

ViuTV《COLLAR以為去度假》今晚（11日）播出的一集中，導遊Day、Winka帶領隊友體驗室內跳傘，眾人懷著興奮的心情進行試飛，Ivy自爆尖叫到連口水都噴埋出嚟，笑言之後再玩一定要保持微笑。

Day忽然有責任感

而在高飛挑戰中，有少許畏高的Candy聲稱雖然沒有離心力，但突然被工作人員捉住飛上高空，一時反應不來，自言全程閉眼兼嗌得好淒厲。而Gao則覺得有種像臨上舞台前得感覺，明知好正很好玩，但上去前總會緊張。事後她們都好感謝Winka和Day及製作組帶來這次難忘的體驗。

對於今次的3個導遊組合，Sumling感到有趣，她發覺竟然同星座有關，Ivy和Candy均屬火象星座，性格比較衝和「Chur」，但卻準備十足；Winka和Day就屬於風象星座，比較隨意，隨心而行；而自己和Gao、Marf則是三餸飯組，有風象、火象和土象，性格各有不同，互補不足。至於這次Day和Winka的導遊表現，Marf明言：「Day係有種懶惰、慵懶喺度，其實佢比平時講嘢多咗，肯去提供資料，同埋好似聽多咗人講嘢，今日佢好似耳朵、眼睛全部都比平時開大咗兩、三倍咁樣！」