《中年好声音》男参赛者商场厕格惨遭偷拍 赤裸下身被影逾1分钟 报警后叹拉人机会渺茫：我唔系谢霆锋
TVB真人骚《中年好声音3》决赛登峯之战于5月11日假启德体育园启德体艺馆举行，最后7强参赛者包括有赵浚承、李金凯、陈芷盈、刘洋、张与辰、占士丁丁及黄博。香港掀起《中年好声音》热潮，近日有参赛者于网上自爆日前于尖沙咀某商场的厕格中，被变态男偷拍者举机拍摄大便情况，虽然他立即着裤冲出厕格力追但仍落空。最后立即报警的他十分无奈，暗示能成功捉人的机会渺茫，因为自己不是周润发和谢霆锋。
萧家浩参加《中1》肥妈听到眼都凸
今年39岁的萧家浩，3年前曾参加《中年好声音》，当时他报称是保险从业员。于100强中他选唱陈奕迅的《孤儿仔》，他多度用奇怪的声线去演绎苦荣的演唱部份，听到评审议论纷纷，肥妈更一度眼都凸埋，最后他无缘晋级100强止步。
相关阅读：《中年好声音3》参赛者酒楼登台片疯传 被塞500元锡阿婆面珠 热情互动惹侧目网叹揾食艰难
萧家浩公开被偷拍经过：
萧家浩厕格「办大事」遭偷拍
萧家浩昨日更新社交网，身穿黑色TEE的他刚报完警返到私家车上，开始诉说不幸遭遇：「今日发生咗一件令我好嬲嘅事，我4点钟见完客，返到商场去厕所，当我准备离开嘅时候，见到厕格度门上面，有个手机喺度影紧我。我马上嗌咗声喂！佢就即刻走。我即刻着裤，连钮都未扣好我就追出去，出去已经唔见咗佢，因为我扣番粒钮都要几秒，而我大叫佢已经知我发现咗。」
萧家浩被拍超过1分钟
萧家浩未能捉到偷拍者，就立即报警：「之后我报警，警察都好快嚟到，帮我睇番CCTV，真系见到有个人入咗嚟厕所两次，入完又出出完又入，我谂佢系要睇吓厕所环境有冇人，佢发现厕所得我一个喺厕格，再出番去望望有冇人，结果就入番嚟喺度拍。警察话佢拍咗超过1分钟，拍完之后跟住就走。」
相关阅读：中年好声音3丨赵浚承被指是谭咏麟爱将 因索妻加持惹争议 曾组男团婚前有「揽女照」外泄
禢振华酒楼登台跟锡长者面珠：
萧家浩苦笑叹自己非名人
萧家浩非常无奈：「我真系唔明点解要影个男人去厕所咁核突呢？你钟意睇嘅，你咪去沙滩、泳池、健身室更衣室，大家冲完凉你咪望吓、兴奋吓咪算囉，你冇理由人哋办紧大事、你嚟影㗎嘛。依家我报咗警，就唔知会唔会捉到佢，CCTV系影到佢。但好老实讲，睇事件严重性啦，警察都话如果你系周润发嘅，系谢霆锋嘅，当然就即刻会捉到啦。我想分享畀大家知，原来男人去厕所都要小心啲囉，大家如果喺网上见到我嘅片，都唔使惊讶。」
网民同情萧家浩
不少网民得知萧家浩的经历都予以同情：「男仔女仔也要小心！唉，世风日下」、「今日咁多单男人偷拍男人嘅」、「男仔真系要好好保护自己」，但亦有网民指萧家浩不应叫该名偷拍者去公众更衣室𥄫嘢：「你做乜呼吁啲变态佬去泳池沙滩健身室睇嘢，咁我以后仲洗去嘅？！ 」。