谢霆锋派福利送20张演唱会飞兼盲盒 亲自拍片解说得奖方法

谢霆锋将今个月底在启德体育园主场馆举行演唱会，引起全城扑飞热潮，简直一票难求。向来宠粉的霆锋日前就大派福利，表示私人送出20张门票，虽然行为十分窝心，但网民都继续嗌「救命」指20张满足不到粉丝。霆锋听到大家的诉求，昨日立即加码并表示再送演唱会神秘盲盒，名额20个，男神更拍片亲自解说得奖方法。

神秘盲盒大卖关子

霆锋写道：「你哋话我送20张演唱会飞边度够满足晒咁多人，又话攞到嘅机会好渺茫，你哋嘅诉求，我完全听到晒，但我手头上只可以攞到20张飞送畀你哋！不过我又谂到第二样礼物送畀大家！就系再加送演唱会神秘盲盒，名额20个，但神秘盲盒系乜嘢就唔同大家讲住，不如等我谂吓点样送啲飞同演唱会神秘盲盒先，再畀啲时间我。」

挑选最有创意的视频

相隔一天后，霆锋就亲自拍片解说得奖方法，片中见他穿上军绿色外套，单手插袋，非常型仔，并表示知道好多人仲未买到演唱会飞，所以发起《逆行》锋狂唱挑战，他认为最有创意或者最有意思的视频就会得到礼物，霆锋表示：「大家有兴趣想攞到我演唱会飞或者我演唱会盲盒嘅朋友要听住啦！我决定玩《逆行》锋狂唱挑战！唱我嘅新歌《逆行》，我会录我𠮶part，跟住尽快IG出片畀大家Remix玩，限时72小时，大家可以以任何形式同我唱《逆行》都得，例如你钟意滑住雪、煮嘢食、玩结他都无所谓㗎！记得玩完Tag我，被我拣中嘅话你就可以自己选择演唱会飞或者演唱会神秘盲盒！记得由我出片计，限时72小时。」