93歲胡楓訪問許冠文勁精靈 大爆《歡樂今宵》秘聞 金句連珠炮發：我做《破地獄》搵鬼睇！
93歲「修哥」胡楓在圈中人緣極佳，有十多個契仔契女，當中更包括天王張學友、黎明，影帝張家輝，與及天后林憶蓮和劉美君等。胡楓近年進駐小紅書和粉絲分享生活點滴，今次他的新片訪問82歲的許冠文，兩位影壇大哥大妙語連珠大爆秘聞，胡楓轉數完全不輸許冠文，非常精靈。
胡楓反應超快記性好
胡楓於個人頻道中這樣介紹許冠文：「今天介紹一位演藝圈的『全才』，他就是『許冠文』。近期他以《破‧地獄》獲封影帝，真是very good！」在影片中，胡楓表示在娛樂圈裏面，特別欣賞的人只有十幾個，許冠文正是其中一個，胡楓認為他是娛樂圈的全才，因為許冠文編導演皆能，又懂講笑話。頭戴Cap帽的許冠文十分精神，剛於「2025香港電影導演會年度頒獎典禮」奪得影帝的他十分風騷，他就謙虛地指自己「釣魚都幾叻」。胡楓之後話：「恭喜你喎，最近攞咗個獎！」許冠文就表示：「我都唔記得係叫咩獎！你記唔記得係咩獎？」胡楓就表示：「咩呀，咪《破‧地獄》嗰個獎囉！」許冠文即刻大讚對方：「你成日話自己冇記性，點會係冇記性呀！」
相關閱讀：前港姐冠軍盧淑儀罕曝光！面上一轉變特顯減齡 李克勤意外顯老令人擔心
胡楓訪問許冠文勁精靈：
胡楓極欣賞許冠文
之後胡楓表示：「你攞嘅第一個獎係咩呢？」謙虛的許冠文又再次 搞笑遊花園：「我未攞過獎喎，由《歡樂今宵》大家做同事之後就冇攞過獎，你就攞過獎囉。」胡楓即時表示「你咩未攞過獎呀」，之後道：「講開《歡樂今宵》，我好記得第一日見到你，我就好欣賞你，呢個人叫許冠文呀？真係好有才華喎！」許冠文就大笑：「唔係啩！嗰陣時邊有人識我，個個都係淨係識你咋，你先係超級大明星呀。」
胡楓阻許冠文遊花園
頭腦清晰的胡楓，又再提奪獎事宜：「咁《摩登保鑣》係咩呀？係唔係第一次攞獎呀！」許冠文唯有正經起來：「係呀，我係第一屆（首屆香港金像獎最佳男主角），不過我都係向你呀、波叔呀偷師。」胡楓即刻話：「咩學我呀，係人都知你先係全才呀！」
胡楓指許冠文攞硬影帝
之後胡楓再提最近《破‧地獄》Hit爆，個個都鍾意睇，許冠文就話：「你唔得閒做啫，個道士角色應該搵你做囉！」，胡楓就立即回應「如果搵我做就搵人睇都難」，非常鬼馬。胡楓再表示：「今屆金像獎你都攞硬（影帝）啦！」許冠文就表示「我攞到你就請我食飯」。兩位年紀加埋雖然已經175歲，但依然轉變極快令人佩服。
相關閱讀：導演會頒獎禮丨許冠文衛詩雅榮登影帝后 《破‧地獄》一家三口齊得獎威盡頒獎禮