林盛斌Bob红馆开骚被嘲不自量力 贴长文分享感受︰这个决定是正确的

林盛斌（Bob）日前在红馆举行栋笃笑《The Bobfather Finale 2025》，圈中出名好人缘的他获过半百艺人好友捧场。而沉淀几天后，阿Bob 昨晚（10日）在社交网分享骚后感，并自爆被网民嘲「不自量力」。

Bob认不自量力

Bob表示今次做这个show，收到好多朋友的祝福，但同时亦都有很多冷嘲热讽，「其中我见到有一个网友留言，佢话『不自量力』，我谂一个正常人见到可能会好唔开心，但系我冇。因为佢系讲得啱，你哋去红馆去睇一个show，系一件好理所当然嘅事，但系Bob喺红馆开talk show，真系一件几不自量力嘅事嚟㗎！」

相关文章︰女神配对计划丨林盛斌戥胡定欣「脱单」开心 冇跟洪永城争功：男方的确系佢朋友 16岁大女强大不在意外界目光

Bob跳出舒适圈

虽然被网民嘲讽，不过Bob依然充满正能量，认为「不自量力」并非贬义词，而是一种想法、信念去话畀自己知，要改变、挑战自己，冒险去跳出自己舒适圈。他续指其实自己可以好安逸地继续做活动主持、宴会司仪等，「对我嚟讲，系一件非常舒适同冇乜难度嘅事，但系，我想我嘅人生，系可以继续慢慢进步，我想我嘅眼光同埋格局，可以慢慢提升去更高嘅层次。有两句说话，我成日同自己讲：『当你想得到一啲你从来未拥有过嘅嘢，就要尝试做一啲你从来都未做过嘅事』。」

Bob开show感自豪

Bob表示虽被网民挖苦「不自量力」，但更加证明他越级挑战去红馆这个决定是正确的，「因为我做紧一啲旁人觉得完全冇可能，又或者系超出佢想像嘅嘢。如果只系做自己能力范围内嘅事，永远系最安全嘅，但系你永远都只会系咁，唔会有咩好大嘅改变，唔会有咩好大嘅进步，而我，唔希望自己系咁。我觉得，做人，有时就系要不自量力。」他再笑言希望二三十年之后，可以有一日同自己孙仔孙女讲：「你爷爷、你公公，即系我，以前喺红馆开过talk show㗎！」最后，Bob再次多谢台前幕后所有工作人员，更表示主办及协办单位应该开心，因为今次个show赚到少少钱，并指自己还有很多可以改善的地方，希望下次再有机会可以做得更加好，他说休息过后，继续向下一个目标进发。