43歲朱慧敏做產檢晒超大孕肚！14個月大女一舉動好有愛 醫生指二胎是「XX嬰兒」
43歲前港姐亞軍朱慧敏（Queenie）2021年嫁心臟科醫生老公陳良貴，她成功三年抱兩，前年10月誕下囡囡Shera，去年平安夜又宣布懷上二胎。近日朱慧敏在老公及囡囡陪同下做產檢，懷孕8個半月的朱慧敏已經踏入懷孕後期，產檢時孕肚極之巨大，產科醫生指腹中BB已重2.2公斤，是一個長腳BB。網民看到朱慧敏的巨肚竟懷疑她陀雙胞胎。
朱慧敏老公及囡囡體貼陪做產檢
朱慧敏昨晚（16日）在IG貼出產檢影片，她寫道：「祝寶寶們健康快樂地成長。」影片可見，身穿棗紅色毛衣的朱慧敏，在老公陳醫生和囡囡Shera陪伴下做產檢。
相關閱讀：43歲朱慧敏誕天才兒童？14個月大愛女竟然識做家務 三年抱兩下月卸貨
朱慧敏做產檢晒超巨孕肚：
朱慧敏晒超級巨肚
朱慧敏掀開下半身上衣被醫生用超聲波檢查時，露出超級巨肚，14個月大囡囡Shera也驚訝地：「嘩！」了一聲。心情靚爆的朱慧敏望住身旁的Shera並指住巨肚說：「Baby呀！Baby喺邊度呀？」Shera醒目地指住媽媽的巨肚，然後再窩心摸摸巨肚，朱慧敏冧爆地說：「係喎！Baby喺呢度，呢度又見到Baby喇！Baby我係娃娃呀！」
相關閱讀：43歲朱慧敏懷胎7個多月現40吋巨肚無阻湊女 一歲聰明女行路勁穩 拍手騷節奏感
朱慧敏婚後生活美滿：
醫生指二胎是長腳BB
Shera望着超聲波的畫面，牙牙學語說：「yeah yeah（BB）」，朱慧敏又指住mon問Shera：「你見唔見到呀？好清楚呀！瞓緊覺，佢知你嚟見佢，係咪呀……」產科醫生邊做檢查邊說：「隻腳係長啲，係長腳嘅Baby，咁計出嚟BB今日都有5磅啦！34周2.2公斤好合理，咁佢長得好，見到佢郁都好安全嘅。」
相關閱讀：43歲朱慧敏懷孕7個月晒巨肚 急增22磅長胎唔長肉 手腳靈活單手抱女兼自拍零難度
朱慧敏強調胎中BB聽得明
朱慧敏聽到醫生意見後笑逐顏開，笑說：「娃娃嚟睇佢，佢即拎轉面俾你睇，佢聽得明㗎真係，上次都係一話娃娃喺度，佢就轉身俾佢睇喇。」Shera看到媽媽的表情及螢幕畫面亦大表興奮，畫面充滿愛。
相關閱讀：43歲朱慧敏宣布再度懷孕！陀B七個月公開私藏速孕秘方 囡囡一舉動勁窩心
網民估朱慧敏今胎生仔
網民看到朱慧敏的巨肚，紛紛在帖上留言，「好似陀雙胞胎，超大」、「第二胎咁大個肚辛苦晒」、「家姐RaRa好興𡚒！真係好巨肚，一切平安」、「嘩！個肚好大呀！好似孖胎咁呀！真係戥你辛苦呀！但你好似好輕鬆咁喎！」另外，也有不少網民估朱慧敏這胎是生仔，「似boy boy」、「弟弟」、「好開心吖！細佬快啲出來同家姐玩吖！」。