49歲佘詩曼貼「母女照」！「女兒」又靚又叻 醒4字點醒三屆視后
49歲的三屆視后佘詩曼，單身多年，但卻有十多名契仔契女，當中包括「七魔女」的仔女全也是其契仔契女，文頌嫻曾大讚佘詩曼好識𠱁小朋友，故深受小朋友歡迎。今日（5日）佘詩曼在IG貼出與契女Mui Mui的飯敘照，原來契女返港度聖誕及農曆新年，但佘詩曼在這兩個月來要忙於為TVB新劇《正義女神Themis》開工，昨日才煞科。佘詩曼趁契女回去前終於有時間見面，契女更教識佘詩曼寶貴四字「及時行樂」，要開心活在當下。
佘詩曼與澳洲返港契女如兩姊妹
佘詩曼今日更新IG，打扮青春的佘詩曼身穿格子外套襯粉紫色衛衣，在澳洲求學的契女則身穿紅色毛衣襯白色絲巾，加上她打扮成熟兼化濃妝現身，令逆齡生長的佘詩曼與契女如同兩姊妹，李施嬅也有同感留言表示：「She looks like your sis, kinda looks like you too!」「兩母女」當晚吃飽日式燒肉便轉場吃pancake繼續聊天。
相關閱讀：初二煙花丨群星豪宅睇煙花！佘詩曼胡杏兒組隊食住睇 56歲視帝搵出路欣賞
佘詩曼與契女似兩姊妹：
佘詩曼趕得上契女離港前飯敘
佘詩曼透露契女在澳洲返港兩個多月，但她因為忙於拍劇，居然一日時間都不能抽出來見一面，「好彩喺佢走之前我部戲殺青，終於可以約食飯同佢傾吓偈。我哋食完Yakiniku之後研究緊去邊，Mui Mui突然好興奮咁話：『我諗到喇，契媽我想走之前食多一次pancake呀！』雖然我飽到爆，當然都會陪佢去啦～」
相關閱讀：佘詩曼《新聞女王2》下月開拍！重量人級演員與「Man姐」鬥戲 陳曉華回歸復仇
佘詩曼昔日得獎相：
佘詩曼喝咖啡也要左諗右諗
佘詩曼續指，她們去到門口時，契女已經指住張相說：「我要食士多啤梨嗰個！」而飽到上心口的佘詩曼已經吃不下，看着Menu只想喝杯咖啡，「其實我好想飲cappuccino，但我驚瞓唔着，而家已經九點幾啦喎…」對此契女反問：「你聽日要返工咩？要早起身咩？（唔使呀。）咁咪係囉，想飲就飲啦，我而家唔理㗎，總之我好想做一件事，或者食一樣嘢，我話知佢肥唔肥，我都照食咗先，滿足咗自己先，開心咗先！你飲啦～」
相關閱讀：佘詩曼現身長洲疑遭中年女士破口大罵？狂叫「好巴閉呀？」視后舉動獲激讚
契女贈佘詩曼寶貴四字
佘詩曼最後亦柯打了杯Cappuccino，喝了一口後，契女立即問她：「係咪好正呢？」，佘詩曼好滿足、好冧地點點頭回應，「佢提醒咗我寶貴嘅四個字『及時行樂』，有時會不知不覺畀自己一啲規限，所以要時不時提醒自己，做自己鍾意嘅嘢，𠱁吓自己開心，活在當下！」而契女亦補充表示：「同埋『愛要及時』。
相關閱讀：佘詩曼趕工為與「新歡」見面！緊緊擁抱散發幸福感覺：最美好的東西就在身邊
網民認同契女想法
佘詩曼的圈中好友及不少網民在帖上留言同意她契女的想法，「今日真係唔知聽日事，近幾年好多朋友同親戚話走就走，令我看好多嘢都唔同咗，真係要及時行樂」、「人嘅一生其實好短暫，意外意料之外，好多野都話唔埋，人要活在當下好好珍惜眼前人同埋事，仲有就係唔好畀任何嘢局限自己，唔好畀自己有咁多界限同埋規矩，一諗到就要即刻去做，鍾意就即刻去做千祈唔可以猶豫自己當下想做嘅嘢，一定要及時行樂愛錫自己，人生先會無悔」、「自己開心是第一位」、「及時行樂，更愛自己」，而陳敏之表示：「佢嘅思想完全正確」。