臨時決鬥丨古天樂認讓林峯競逐金像獎男主角 望能夠傳承一齊去爭獎無意思 唔清楚電影評論學會投票機制
賀歲片《臨時決鬥》今日（18日）於澳門舉行首映禮，導演麥啟光率領一眾演員古天樂（古仔）、梁詠琪（Gigi）、陳湛文、王丹尼、陳慧敏出席外，王大陸亦現身捧場。對於被視為今屆金像獎大熱電影的《九龍城寨之圍城》，有指古天樂有意讓林峯競逐男主角而他則退而求其次競逐男配角獎項。古仔直言該片講及傳承，亦不想一部戲大家去爭角逐男主角，感覺會沒意思，希望平均一點，因為大家也有盡力。而提到電影《九龍城寨之圍城》於《第18屆亞洲電影大獎》獲得九項提名，古仔說：「我覺得《九龍城寨之圍城》票房好好，大家花好多時間同心機去拍，出來好之外又有提名，覺得錦上添花好開心。除咗拎到提名，大家要好好珍惜香港電影。」
古天樂對金像獎投票機制較熟識
談到香港電影評論學會創會會員文雋在個人影片頻道，質疑《九龍城寨之圍城》因票房、觀眾共鳴而獲選今屆學會大獎的最佳電影，為何《破． 地獄》有1億5000萬票房，卻不被納入「最佳電影」最後五強討論。古仔說：「《香港電影評論學會》準則唔同，我唔清楚佢點評，問我金像獎就知投票機制。」
古仔望政府多多支持香港電影
對於在節目上曾表示近兩年不宜大投資，2025年的電影製作會有所縮減，並有機會全部要得到政府資助才可開戲。古仔坦言整個圈嚴重寒冬問題，政府一向有資助，但電影公司之後也要計清計楚先知道用什麼方法投資，所以穩陣之下會向政府申請，但由於有限制，希望政府多多支持。
與Gigi合作多時升呢演夫妻
提到今年賀歲片分別有《臨時決鬥》、《祥賭必贏》、《麻雀女王追男仔》，談到對票房可有壓力？古仔坦言最緊要支持港產片，大家都入戲院睇港式喜劇，開開心心過農曆年。梁詠琪笑言跟古仔多次合作，但今次在賀歲片《臨時決鬥》升呢演夫妻，雖然對方被人感覺好Cool，但其實經常照顧小演員「魚旦妹」，無論戲裡戲外也是一名暖男。她說：「佢最唔照顧王丹尼撻到生魚咁，我目擊成個過程，都好戥佢痛，但係為咗劇情。」古仔則謂跟「魚旦妹」合作幾次，今次合作較多交談，適逢「魚旦妹」遇著考試，所以都會擔心對方的功課，又指跟梁詠琪曾多次合作已很有默契，而王丹尼戲中著重訓練，所以對打時難以留手。談到王丹尼被他撻落地難以動彈。古仔說：「撻佢係有，但呢個無得假，打一巴可以假，拎起個人放手，假乜啫！假係會違背地深吸力。」