胸部豐滿易失平衡跌倒？娛圈「咪神」親解大胸的煩惱 脊醫：可致生骨刺
娛樂圈的咪神女星向來是大眾茶餘飯後的話題，「TVB咪神」之一的波波（黃婧靈）擁有34E豐滿上圍，早前她不慎碌落樓梯，導致腳掌骨裂，引起不少網民熱議「胸大真的會較易失平衡跌倒嗎」？《星島頭條》找來多位圈中咪神包括薛家燕、梁敏巧及莊韻澄分享胸部豐滿的女性的日常生活經驗，以及訪問了市民認為胸大的女性會有哪些煩惱，另外我們找來香港註冊脊醫王俊華講解上圍太大對脊椎、頸椎等的影響。
男士普遍認為胸大易失平衡
《星島頭條》日前進行街訪，發現不少男士認為上圍太大的確容易令女士失平衡跌倒。男士IKO表示如果見到「上重下輕」的女士都會擔心她們跌倒：「始終你身上多咗樣嘢，會覺得重，重就一定會有咁樣嘅風險㗎啦！」而與他同行的Foster則認為：「跑步可能會（失平衡），因為之前觀賞過田徑比賽，有啲上圍豐滿嘅女仔都有跌倒嘅情況。」
而另一市民Vincent則認為要視乎對方是不是「加工」：「天生上圍豐滿可能從小就習慣，但如果係隆胸、突然變大，點習慣（上圍的重量）。」至於與他同行的女士Heidi則認為，天生上圍豐滿的女士會習慣胸部的重量，但她認為會增加大胸女士跌倒的風險，她說：「跑步應該會（失平衡），因為會晃動，重力好大。」
相關閱讀：TVB咪神波波黃婧靈疑負荷太重碌落樓梯 整傷一部位骨裂穿小背心灌奶補鈣
胸大易失平衡？
薛家燕、莊韻澄親解胸大非易跌倒原因
薛家燕是圈中「咪神」鼻祖級人馬，她經常需在舞台上載歌載舞，現年74歲的她身手依然靈活敏捷。家燕姐認為胸大並不會令女士容易失平衡：「我覺得唔會，因為發育期間上圍慢慢長大，可能人體都會慢慢適應，應該唔會易跌倒。除非可能因為上圍大，可能着Bra Top要有承托功能，緊些、重些或許會有所影響。」
至於另一「咪神」莊韻澄亦與薛家燕有同樣看法，她指：「我習慣咗唔會覺得個胸好重，因為每日都感受住呢個重量，唔係突然隆胸變大呀嘛！但我一定唔會跑步囉，喺在跑步過程中，我就真係覺得個胸好重。」而「東張女神」梁敏巧則笑言：「我胸部未大到有失平衡嘅問題，可能波波黃婧靈會有。」
相關閱讀：42歲索爆人妻打開拉鏈有乾坤 雪中比堅尼渾圓酥胸震撼眼球
薛家燕：我都鍾意睇胸部豐滿嘅女士
薛家燕認為上圍豐滿困擾不大，「有邊個唔鍾意胸部豐滿，着衫都好睇啲，身材驕人呀嘛……唔會話胸大特別多煩惱，因為而家啲胸圍都有好多款式，收緊啲……亦有教你點樣穿得好睇啲，我都鍾意睇胸部豐滿嘅女士。」
莊韻澄曾因胸大發生尷尬事
莊韻澄分享上圍豐滿令她常要自我保護，「搭升降機人多，要雙手保護胸部 ，因為胸大可能會佔咗唔少空間，有人要逼過嚟……佢哋都係無意，但都要好好保護胸部。尤其喺公眾場合或者公共交通工具，有時唔注意就被人有機可乘，有時會有人將手放喺扶手上面，經過嗰陣胸部可能同人擦身而過，個胸好容易掂到嘢。」就連出席活動，在鏡頭以外亦會用「假動作」護胸，莊韻澄表示：「我通常都會雙手交叉保護胸部或者拿手機擋喺胸前。」莊韻澄平時與途人會保持距離，原來跟朋友合照亦會保持距離，她說：「除非真係好熟啦，如果唔係都唔可以太親密，否則胸部會掂到人哋，其實係無心嘅，但難免會尷尬。」
相關閱讀：莊韻澄貼身短裙同框29歲AV女優 港日女神大對決網民竟然一致評價佢贏！
此外，莊韻澄亦分享一些因上圍太大而導致的尷尬情況，「有時急步行，即使穿上胸圍、運動內衣，但（上圍）都係會盪，在街上如果有呢個情況都阻止唔到他人目光。有時着衫會比較顯肥，無論我着任何衫，睇落都好似比人性感。有啲情況會比較尷尬，就係有時會想放鬆一下，食飯嘅時候會不自覺將胸部放喺上枱。」
胸大恐造成寒背問題
莊韻澄指她因胸部發育得比同齡同學大，令她一度有寒背問題，「會怕畀人笑，會一直寒背，令脊骨生得唔好。」梁敏巧亦指，如果要解決上圍太大而造成的寒背問題，會做運動強化背肌，「要做啲強化背部肌肉、負重嘅運動，有啲肌肉、拉扯背部嘅筋骨，可以減少寒背問題。」
英國女士曾因42L上圍受傷？
英國女因42L上圍致受傷
2020年有報導指出 ，英國一名上圍尺寸達42L的女士Debbie Horton，有次彎腰拾東西，覺得脊椎痛到動不了。Debbie Horton上圍太大引發脊椎痛症，長時間走動更要坐輪椅，Debbie Horton當時透露想眾籌做縮胸手術。
王俊華脊醫指人體會適應上圍重量說法正確
就「咪神」認為人體會適應上圍重量，因此不會容易因上圍太大而失平衡的說法，《星島頭條》曾向王俊華脊醫求證，他亦表示此說法有根據。王俊華脊醫表示：「因為胸部唔係突然變大，隨着年月慢慢適應、平衡，人基本上係用小腦慢慢做適應，以及大腦互相溝通配合，不自覺肌肉同關節可以學識點樣配合。」
相關閱讀：腰痛/難彎腰是坐骨神經痛？脊醫教自測4大症狀 1部位刺痛須求醫 附紓緩方法
上圍過大恐影響脊椎、頸椎
王俊華脊醫指出，有過重問題或上圍太重的女士，會增加脊骨壓力，導致椎間盤比正常人負擔大而受壓，可能因此令骨與骨之間有磨擦、勞損的問題，「骨頭會磨擦軟骨，骨頭會變尖，代表有增生，即係骨刺。骨刺如果刺到神經線，亦會出現相對應問題，譬如壓到頸椎神經線，會出現手麻痺嘅情況，壓到腰椎神經線，會有腳麻痺嘅問題。」
頸椎間盤受壓可致呼吸困難、頭頸肩痛
上圍過重通常會有兩個問題，王俊華脊醫表示：「第一，可能係重心出現問題，因為身體側向前。另外亦同一般都市人用電腦、常用鍵盤嘅人一樣，可能會用同一錯誤姿勢，因為覺得上圍太重而將胸口向前夾起，胸肌會過緊，背肌唔夠力將膊頭拉開，形成寒背嘅姿勢，所以上圍過重嘅女士容易胸肌過緊。另外，斜方肌，即係膊頭位置上方嘅肌肉會過緊，前頸亦會過弱，因為經常將下巴伸前，背肌因為經常夾前胸肌，兩個肩胛長期拉開會令背肌過弱，呢個係寒背姿勢（「上交叉綜合症」）。」如果長期寒背可引致頸椎間盤受壓，繼而產生功能性問題，導致頸痛、頭痛、肩頸酸痛、肩胛骨位有麻痺痛，甚至呼吸困難、胸口肋骨痛，王俊華脊醫指：「最常見係最低幾格頸椎會導致手部有機會出現唔靈活、麻痺等情況，如果好嚴重，可以導致頭痛、眼花、頭暈、耳嗚等情況。」
相關閱讀：鍾嘉欣疑似童年照瘋傳掀熱議！竟撞樣脊醫老公又似吳綺莉 驚見一部位有變化？