蒙嘉慧主持ViuTV節目！菊梓喬「男友」成敗筆 對兒童講AV用語 突然抖動下身
前TVB花旦蒙嘉慧淡出幕前，與老公鄭伊健近年更移居日本褔岡，早前ViuTV邀得蒙嘉慧出山主持新節目《呢度住吓 嗰度住吓》，分享於褔岡的生活。蒙嘉慧與兩名後輩保錡及陳海寧（Dee姐）一起主持，組合有驚喜，加上蒙嘉慧久休復出，引來不少人追看節目。不過節目播出後，網民狠批菊梓喬緋聞男友、ERROR成員保錡，斥他成為節目最大敗筆。
相關閱讀：蒙嘉慧傳復出？疑將為ViuTV拍節目 婚後移日陪老公鄭伊健港日兩邊走
蒙嘉慧新節目被保錡「搞彎」？
保錡早前宣傳節目時，在蒙嘉慧面前大賣口乖，又稱視鄭伊健為榜樣，不過保錡在節目中的表現卻令觀眾反感。日前播出一集中，他們跟小朋友學劍道，有網民批評保錡請小朋友為他綁衣服時開黃腔，在小朋友面前說出多個日本AV女優常用字詞，如「Kimochi（舒服）」、「iku（去了）」、「Yamate（不要）」等，連小朋友都被嚇到退後，Dee姐當時表示：「你一講熱菇，佢即刻咁樣（嚇怕），唔敢行近你。」網民批評保錡教壞小朋友，有性騷擾兒童之嫌，而且令節目變得成人、低俗。
相關閱讀：呢度住吓 嗰度住吓丨蒙嘉慧坦然面對幸福肥 只願跟伊健談吃喝玩樂 保錡請教如何跟圈中人拍拖
保錡向女性公然抖動下身
保錡還有更多語出驚人的情況，當他們到民宿介紹時，Dee姐笑指兩隻羊是不是情侶，保錡竟表示：「一定係，一個問題，呢個世界得返我同你……好簡單嘅問題啫，一係我強姦你，一係你殺咗我。」連Dee姐都不識反應，及後表示：「你強姦我？」保錡解釋因世界只剩兩個人。保錡好奇問到，如果將兩隻羊，阻止牠們繁殖會如何，保錡因為不識日文，於是用身體語言問日本人，竟在幾位日本女性面前光速抖動下身，最終他被告知兩隻羊是雌性。雖然保錡這個動作成功問到問題，但亦被網民批評行為低俗。
保錡轉軚力追「體育女神」黃捷穎？
保錡回應網民批評
保錡在節目中的表現引來海量批評，有網民湧入他的IG留言：「其實你唔止一次係電視機前有咁既行為。有沒有反省？成日話運動帶俾你正面影響。呢d黃色笑話行為完全表現得好低俗，你不再是小孩，你出席得講座，節目，作為公眾人物一定有人以你為榜樣，何解會變成咁？搞笑係咁咩？」、「我一向都支持error ，支持你哋4個，睇完兩集，有啲無言，機會唔係成日都有，真係要好好珍惜。出發前有冇好好做功課？好彩有蒙嘉慧lead住，keep住講嘢! Dee姐叫一齊自拍….. 行走咗…. 冇乜team spirit」、「有冇諗過對住小朋友嗰啲行為其實係性騷擾，同埋完全唔搞笑，你有冇睇返個小朋友嘅樣？係好驚你咁做。不過都唔止係你一個人嘅問題，剪埋落去播出街，監製真係覺得冇問題？」、「好鍾意搞笑好鍾意搞笑！成個節目咪俾你搞彎晒囉！你啲笑仲要唔好笑，係低級趣味呀！你成日話好愛你公司，呢個節目真係多得你唔少！你都30幾歲啦，可唔可以成熟少少啊拜託你！」。
就網民的批評，保錡都一一回覆，他表示：「收到，會學習如何高級趣味，感謝大家留意節目」、「會自我增值」、「我都唔明（ViuTV為何肯給機會），其實真係搵其他人好啲，我呢種扮搞笑又冇料，做唔到高質旅遊節目，我會自己收皮，多謝你浪費左寶貴的時間係我身上！感謝」。其後他再於IG限時動態留言表示：「錯就認，打就企定，對唔住大家，我係做得唔好。」
其他文章：
蒙嘉慧與老公鄭伊健疑避地震暫緩返日？細節揭超慳家本色 回眸一笑變「犀利哥」