曾破產男星被胡楓當面斥責虧欠妻子：你真係唔啱 解釋因巨債拖延婚期
71歲的鍾鎮濤（阿B）與范姜素貞一齊之前，曾與章小蕙有過一段轟動婚姻，二人更有一子一女，已經長大。鍾鎮濤與范姜拍拖多年，早已誕下兩女鍾懿及鍾幗，不過二人於十年前才結婚，為此鍾鎮濤現身胡楓（修哥）主持的網上頻道節目《修哥萬花筒》時，被對方指責虧欠范姜。
相關閱讀：71歲鍾鎮濤溫拿巡唱兩度摔倒！失平衡四腳朝天躺在地上 陳友上前扶起亦受牽連
鍾鎮濤被胡楓鬧虧欠范姜？
鍾鎮濤近日獲邀接受胡楓訪問，二人大談演戲、書法，期間胡楓突然對鍾鎮濤表示不滿，稱要鬧鍾鎮濤，令到鍾鎮濤一頭霧水：「鬧我？隨便啦！不過你鬧我會唔會又…」。胡楓指鍾鎮濤與范姜認識多年，鍾鎮濤接不到訊息，窒了幾秒問道：「點樣耐法？識咗佢廿幾年啦喎！」胡楓表示鍾鎮濤與范姜認識多年才求婚：「一個咁好嘅老婆，應該好快同佢表示呀嘛！」
鍾鎮濤再婚前努力還債
鍾鎮濤聞言即鬆一口氣，又聽見胡楓讚范姜是賢妻良母，才笑說：「我唔得閒！唔只我唔得閒，大家都唔得閒，我要還債，仲要做嘢。」胡楓解釋指鍾鎮濤遲遲不給予范姜名份：「你真係唔啱！」鍾鎮濤承認二人雖然一齊多年，外界亦早已認定二人是一對，但他感到對范姜不公平，所以想補償對方，因此多年後仍堅持要舉辦一場婚禮，當時囡囡擔任花童，鍾鎮濤直言好開心，而范姜亦理解其難處。
相關閱讀：72歲陳友罕揭「溫拿」得悉鍾鎮濤欠巨債後反應 聞爭9位數即嚇窒：咁我哋收線
鍾鎮濤前妻章小蕙貴婦生活：
鍾鎮濤與前妻育有一子一女
鍾鎮濤與章小蕙於1988年結婚，二人育有大仔鍾嘉浚及細兒鍾嘉晴，可惜二人於1997年離婚收場，章小蕙早年移居美國，直到近年才將重心轉往內地。鍾鎮濤當年離婚後，同時遇上金融風暴，欠下逾2億元的巨債，無奈下在2002年申請破產。鍾鎮濤之後遇上現任太太范姜素貞，女方對他不離不棄，更陪伴走過欠債低潮，二人拍拖多年，終在2014年結婚，相愛至今。
其他文章：
鍾鎮濤解釋巡唱跣倒是地板所致 傷及腰部幸無大礙 : 仲用得 為電影配音學上海話叻到要徐克改對白