歐錦棠爆咸豬手男星偷睇裙底！曾稱想撕豐滿女同事件衫 有人開工聽呻吟聲錄音帶
61歲歐錦棠曾先後效力亞視及TVB，近年他仍有拍攝劇集，早前曾參演ViuTV劇集《打天下2》，亦有經營YouTube頻道「乜乜棠水舖」。歐錦棠不時於頻道爆娛圈秘聞，日前他上載影片「娛樂圈真係有好多咸豬手？分享真實兩大經歷！」，大爆多位好色男星的事跡。
相關閱讀：前TVB小生大爆娛圈秘聞！落選佳麗變飯局搞手為花旦定銀碼 自爆曾被男星邀做牛郎
歐錦棠大爆好色男星事跡？
歐錦棠在片中分享，有位已淡出娛圈的男星出名是「咸豬手」，他表示90年代拍過電影的電視藝人曾在拍戲時向女對手「抽水」，歐錦棠提供線索指：「男士喺外國有啲學術成就，喺演戲學術中得到某個名銜，博士級咁厲害。但說返呢行，演戲有博士級嘅，我話畀你聽，都係假嘅。」由於女演員作出投訴，有指事件被鬧大，歐錦棠說：「冇告嘅，咁佢喺演戲上都冇突出表現，於是好快都淡出咗。」
男星以變魔術為名非禮
歐錦棠更指曾有位男星借變魔術為名，借機觸碰女同事重要部位：「曾經有個女同事同我講，佢乖乖女嚟，樣子好甜美。佢有一次同我講，呢個魔術男同佢變魔術。佢話係剪紙，一張紙，唔知點剪，『一張紙嘅範圍，你信不信可以穿過你』。穿嘅時候幫佢（女星）順便搜身，碰到重要部位。」歐錦棠更指另一位女星透露曾被這位男星死纏，曾被對方邀約喝酒，然而男星遭拒絕後，竟再要求上該獨居女星香閨，半夜三更聚會。歐錦棠再分享這位男星好色事跡：「喺公司見到女同事喺服裝間換衫，個女同事身材幾突出，他就話『你唔知道我想做咩，我想撕開你件衫』。呢件事我話畀你聽，係可以告佢，完全係一個騷擾行為。」最終這位男星亦淡出娛圈。
相關閱讀：歐錦棠爆拍TVB處境劇最好賺！月入最少XX萬 效力亞視曾做到爆Show賺多近5百萬
北上發展男星曾連累劇組
歐錦棠又分享，有位早年已北上發展的男星，曾被拍到公然非禮一名女演員被斥責，但其實這位男星早有前科，歐錦棠表示：「曾幾何時喺內地，傳聞當然得唔到證實。都係因為桃色關係之類，令件事都幾嚴重，成隊人……成隊拍攝隊都被圍毆，有咁嘅風波。」
歐錦棠談拍劇險死往事？
男星被女星屈非禮
不過亦有些男星因對手女星過於敏感，而鬧出非禮疑雲，歐錦棠指曾有位女星多次向外界投訴不同的男演員輕薄或非禮她，偏偏有一位常演不討好角色的男演員，被這位女星投訴非禮，最後這位男星氣得要求女方報警，「若干年之後，呢個女演員據說有為呢個男演員平反，話當年係一個誤會。」
相關閱讀：歐錦棠憶拍《烈火雄心II》與元華險冇命：成個身出晒煙咁大火
男星見女星性感打扮雙眼發光
歐錦棠亦分享其他好色男星事跡，他曾在友人口中得知一位男星見到女士打扮性感一點便會很興奮：「有時候女仔有啲戲會着豪門晚宴，穿露背嗰啲晚裝。行過去嘅時候，唔係誇張……佢真係咁『哇』，佢真係笑，睜大眼發光咁望。」歐錦棠更指這位男星曾在沒有他戲份的場口出現，只為蹲在台邊看扮演夜總會小姐的女演員走光：「講真，第一，唔會畀你走光。第二，每個女仔都會打底。」但這位好色男星即使明知只會看到女演員的打底褲，仍蹲在旁觀看，並指：「都好，總好過冇。」歐錦棠表示：「都要睇，鹹囉個人……啲女演員直情話『乜乜叔你唔好咁啦』，跟住佢就話『我坐喺嗰度睇，你哋跳得好唔好呀』，咁話真正佢郁手郁腳呢，唔係冇，但少。都係行過來話『今天好靚』摸一下手臂，唔敢太過分。啲女演員成日都話『行過又畀佢搜身喇』，但唔敢過分摸啲好敏感嘅地方。」
男星外景現場聽呻吟聲卡式帶
而另一位男星曾於外景拍攝現場，在車上休息時，邊聽卡式帶，歐錦棠表示：「佢聽嘅係呻吟聲、叫床聲。當時廟街都有翻版，叫床聲嘅呻吟帶，有呢啲產品。」歐錦棠直指對方似神經病，「你聽嘢就聽，無緣無故返工時間，你聽呢啲嘢做咩。」另一位前輩級男星曾分享，被這位男星提出離譜要求，歐錦棠說：「佢同呢個前輩級演員講，『我屋企有個女傭，佢好正，可以搞嘅，同你搞得嘅』。嗰個前輩話咁犀利？佢問『你嚟唔嚟搞呀』，個前輩當然冇去，但就玩佢，『係咪真係搞得先、點搞先』。佢話『有兩個條件，第一，一定要喺我屋企搞。第二，我要喺度睇』。變態，當然唔成事。」歐錦棠指前輩級演員都驚訝這位男星如此好色。
其他文章：
【黃樹棠設靈】歐錦棠讚棠哥認真演出 曾客串一場武指令全場拍掌