周國豐「前妻」激罕曝光！50歲利嘉兒美艷如昔 再婚後兩度流產肚皮捱針終誕下女兒
前香港電台前助理廣播處長（電台及節目策劃）周國豐因為擔任TVB歌唱節目《中年好聲音》和《中年好聲音2》的評判，令觀眾留有印象深刻！不過深刻的又點會只得工作，周國豐當年曾與《笑談普通話》的主持利嘉兒有過短暫婚姻，離婚後利嘉兒再婚並育有一女，神隱多年的利嘉兒（Lily）近日再現人前，凍齡有術的利嘉兒，星味並未有減退。
相關閱讀：中年好聲音2 丨周國豐參加《新秀》陳年片翻hit！樣貌激似敖嘉年 與前TVB小生同台合唱
周國豐前妻利嘉兒激罕曝光：
利嘉兒50歲生日凍齡有術
昨日（30日）是利嘉兒的50歲生日，利嘉兒自從在2018年誕下女兒Karyssa後，淡出幕前專心相夫教女，甚至再現身人前，昨日（30日）名媛陳玥心（Cindy）在IG限時動態貼上與利嘉兒慶祝生日的相片，相中的利嘉兒外貌與當年未見有分別，依然一貫潮味十足，星味未有因為淡出而減退！周國豐在2004年由電台同事羅啟新介紹之下與利嘉兒認識，兩人發展迅速，拍拖不足三個月已視大家為結婚對象，2005年11月與利嘉兒結婚，不過這段婚姻只維持了短短3年，當時有指利嘉兒與奶奶關係欠佳，其後令夫妻關係變淡，但離婚時驚爆兩人原來未註冊！
利嘉兒與周國豐分開關係仍然好
利嘉兒曾說與周國豐分開後關係仍然好好，離婚與第三者無關：「只係婚後發覺相處唔嚟，以前都唔信所謂因了解而分手，性格不合之類嘅問題，而家我哋有呢種貼身感受。分開真係好無奈，但既然相處唔嚟寧願選擇做朋友。喺我心目中周國豐係好老公，事事都為我着想。」周國豐亦曾說：「處理家庭關係上係解脫咗，呢個喺我哋婚姻當中係幾辛苦，不過結婚嗰幾年的確係真心鍾意對方。」回復單身的利嘉兒於2010年再婚，與製衣和門鎖生意圈外男友劉先生結婚，婚後亦曾在電台開咪做主持，直到2018年，利嘉兒以44歲高齡誕下一女。
周國豐參加《新秀》片段：
利嘉兒再婚後誕下女兒得來不易
不過利嘉兒的女兒可謂得來不易，利嘉兒曾節目上表示，與圈外男友劉先生結婚後開始造人大計，不過發現子宮肌瘤，手術後休養兩年成功懷孕，不過兩個月後就發現胚胎停止生長：「當時我都好自責，會成日諗點解會冇咗BB，係咪我做錯啲咩事？真係好難受……但醫生就解釋流產係很常見的現象，到第二次又冇咗，就冇咁難受。」其後利嘉兒中西醫合壁，每日工作就是打針，除了排卵針外，因她血凝問題亦需要打薄血針，當時一路打一路喊，打足幾個月。利嘉兒決定去做IVF管試嬰兒，最後成功誕下女兒Karyssa：「睇返轉頭，過程好痛苦但都好感激自己捱過咗！」
其他文章：
——————————–
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E