星8卦｜「后生女」识错人被威胁 「老窦」痛心求大机构出手帮忙

「后生女」今次真系识错人，之前嘅男友正正常常，因为喺呢行出身嘅「老窦」见唔少人，梗系识睇好定唔好。「后生女」一向都系掌上明珠，「老窦」锡到㶶，但就系唔钟意读书，成日发明星梦。后嚟两公婆无佢符，又唔想屋企日嘈夜嘈，所以托人睇住阿女嘅日常，偏偏系要斗靓至甘心，就因为咁嘅环境至识到而家件「垃圾」。

「垃圾」 好似好型，成日带「后生女」呢度去𠮶度去，识咗一班唔做正经嘢嘅朋友。「垃圾」又好大使，啱啱出身嘅「后生女」边度揾到钱呀，于是返屋企攞，「老窦」唔知咁多就照畀，原来后期得到朋友通知系贴仔，激到几乎喷血。

最后「垃圾」露出真面目，「后生女」已经畀咗好多钱佢使，「老窦」经济封锁，贫贱夫妻百事哀，「垃圾」竟然将自己同「后生女」嘅资料传真到公司各大部门，话佢系天生淫娃。「后生女」成家人直情癫咗，报咗警但都做唔到乜嘢，惟有拜托传媒朋友高抬贵手，虽然经历咗咁多艰难，但「后生女」好似变咗另一个人，成日唔出街，「老窦」讲乜都听，唔敢再自把自为，呢啲当系上咗一课，「老窦」依然操心，但就好过之前咁提心吊胆！

相关文章：

星8卦｜「假人」继承遗产 扮有料贴钱买高层位自High

星8卦｜「学霸」入行被飞恨嫁入豪门 铺路失败事业冰封好凄凉

星8卦｜「可爱」丧多口得罪人 「才子」被连累唔见钱隔离求自保

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E