《京城怪物》女角韓韶禧再來港出活動兩個月三度來港紅裙紅嘴靚到癲

由朴敘俊，韓韶禧(SoHee)主演的Netflix韓劇《京城怪物》，一上架就登上香港Top 10的第一位，首季尾3集剛上架，觀眾都好不捨男女主角。今日,劇中好打得的女一韓韶禧繼去年12月出席品牌專賣店開幕活動，及跟胞妹來港旅遊後再度來港出席活動，她以一身火紅打扮明艷照人現身，為品牌的唇膏系列拍照，現場大批粉絲尖叫，紛紛舉起手機拍照。由於大會並冇安排韓韶禧接受傳媒訪問，她逗留大約十分鐘後便離開。唔知好鍾意香港的SoHee係咪趕住去行街?期待IG睇靚相。

《京城怪物》劇照

劇中韓韶禧飾演尹采玉，非常好身手